തിരുവനന്തപുരം: മാസപ്പടി കേസില്‍ മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയനെ അനുകൂലിച്ച്‌ ഹൈക്കോടതിയില്‍ നിലപാട് സ്വീകരിച്ചതിനെതിരെ കെ കെ രമയും.
അഡ്വക്കറ്റ് ജനറലിനെതിരെയാണ് വിമർശനം. എജിയുടെ നിലപാട് നിരാശ ജനകമാണെന്നും യുഡിഎഫ് സർക്കാരിന്റെ പൊതു നിലപാടിൻ്റെ നിറം കെടുത്തുന്നതാണെന്നും കെ കെ രമ ഫേസ്ബുക്ക് പോസ്റ്റില്‍ കുറിച്ചു.
ഇതിനെതിരെ ഉയരുന്ന വിമർശനങ്ങളെ സർക്കാർ പരിഗണിക്കണം. പിണറായി വിജയൻ പ്രതിപക്ഷ നേതൃ പദവി ഒഴിയണമെന്നും രമ ആവശ്യപ്പെട്ടു.
ഇ ഡി ഉള്‍പ്പെടെയുള്ള കേന്ദ്ര അന്വേഷണ ഏജന്‍സികളെ രാഷട്രീയ താല്‍പ്പര്യാര്‍ത്ഥമുള്ള വേട്ടകള്‍ക്കായി കേന്ദ്ര ഭരണകക്ഷി സമീപവര്‍ഷങ്ങളില്‍ ദുരുപയോഗം ചെയ്തതിന്‍റെ നിരവധി അനുഭവങ്ങള്‍ മുന്നിലുണ്ട്.
എന്നാല്‍ അത്തരമൊരു വാദത്തിന്‍റെ പരിചയും പരിരക്ഷയും ഇപ്പോള്‍ പിണറായി വിജയനും കുടുംബവും നേരിടുന്ന അഴിമതി ആരോപണങ്ങള്‍ക്കും അന്വേഷണങ്ങള്‍ക്കും മുന്നിലുയര്‍ത്താവുന്നതല്ല. ഈ കേസുകളുമായി ബന്ധപ്പെട്ട് ഇതുവരെ പുറത്തുവന്നു കഴിഞ്ഞ തെളിവുകള്‍ തന്നെ പൊതുസമൂഹത്തിന് മുന്നില്‍ വെളിവാക്കി കഴിഞ്ഞിട്ടുണ്ട്.
