കിടങ്ങൂർ: കിടങ്ങൂർ ഹൈവേ ജംഗ്ഷനിൽ രണ്ട് സ്ത്രീകൾക്ക് ഗുരുതരമായി പരിക്കേറ്റ ഹിറ്റ് ആൻഡ് റൺ കേസിൽ കാർ ഡ്രൈവറെ പോലീസ് കണ്ടെത്തി.
ഇന്ന് രാവിലെ 6.30-ഓടെയാണ് അപകടമുണ്ടായത്. സ്കൂട്ടറിൽ സഞ്ചരിച്ചിരുന്ന സ്ത്രീകളെ കാർ ഇടിച്ച ശേഷം നിർത്താതെ ഓടിച്ചു പോകുകയായിരുന്നു. എന്നാൽ, അപകടത്തിന്റെ ആഘാതത്തിൽ കാറിന്റെ നമ്പർ പ്ലേറ്റ് സംഭവസ്ഥലത്ത് തെറിച്ചുവീണത് പോലീസിന് നിർണായക വഴിത്തിരിവായി. ഇതിന്റെ അടിസ്ഥാനത്തിൽ നടത്തിയ അന്വേഷണത്തിലാണ് പ്രായമായ ഡ്രൈവറെ പോലീസ് കണ്ടെത്തിയത്.
അപകടത്തെ തുടർന്നുണ്ടായ ഭയം മൂലമാണ് വാഹനം നിർത്താതെ ഓടിച്ചുപോയതെന്ന് ചോദ്യം ചെയ്യലിൽ ഡ്രൈവർ മൊഴി നൽകി. പോലീസ് കേസ് രജിസ്റ്റർ ചെയ്ത് തുടരന്വേഷണം നടത്തിവരികയാണ്. പരിക്കേറ്റ സ്ത്രീകൾ നിലവിൽ ആശുപത്രിയിൽ ചികിത്സയിലാണ്.
