തിരുവനന്തപുരം: കേരളത്തെ വിട്ടു പോവാതെ മഴക്കലി. വരാൻ പോകുന്നത് പെരുംമഴക്കാലം ഒപ്പം പുതിയൊരു ചുഴലിക്കാറ്റും . വടക്കൻ പസിഫിക് സമുദ്രത്തില് രൂപംകൊണ്ട ഡോള്ഫിൻ ചുഴലിക്കാറ്റ് ഇന്നും നാളെയും മധ്യ, വടക്കൻ കേരളത്തില് ശക്തമായ മഴയ്ക്കു കാരണമായേക്കുമെന്നു സൂചന. കേരളത്തില് ശക്തമായ മഴ തുടരുന്നതിനുപിന്നില് ശാന്തസമുദ്രത്തിലെ 'ഡോള്ഫിൻ' ചുഴലിക്കാറ്റിന്റെ വിദൂരസ്വാധീനവുംചുഴലിക്കാറ്റ് നേരിട്ട് ഇന്ത്യയെയോ കേരളത്തെയോ ബാധിക്കില്ലെങ്കിലും പടിഞ്ഞാറു ഭാഗത്ത് ഇന്ത്യയോടു കൂടുതല് അടുക്കുന്നതിനാല് അന്തരീക്ഷത്തിലുണ്ടാകുന്ന മാറ്റങ്ങള് കേരളത്തിലെ കാലവർഷക്കാറ്റിന്റെ നീക്കത്തെയും ബാധിക്കും.
ഡോള്ഫിൻ സൃഷ്ടിക്കുന്ന ന്യൂനമർദം കേരളത്തിലെ കാറ്റിന്റെ വേഗം കൂടാനും കാരണമായേക്കും.പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കണ്ണൂർ, കാസർകോട് ജില്ലകളില് ഇന്ന് ഓറഞ്ച് അലർട്ട്. മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളില് നാളെ ഓറഞ്ച് അലർട്ട്.തെക്കൻ തമിഴ്നാട് തീരത്തെ ചക്രവാത ചുഴി, പസഫിക് മഹാസമുദ്രത്തിലെ 'ഡോള്ഫിൻ' ചുഴലിക്കാറ്റ്, ഇവയുടെ സ്വാധീനം മൂലം സംസ്ഥാനത്ത് അടുത്ത ദിവസങ്ങളിലും ശക്തമായ മഴ തുടരാൻ സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ പ്രവചനം. അടുത്ത മൂന്നു ദിവസവും 14 ജില്ലകളിലും മഴമുന്നറിയിപ്പുണ്ട്.
മധ്യകേരത്തിലും വടക്കൻ കേരളത്തിലും കനത്ത മഴ തുടരാനാണ് സാധ്യത.മലയോര മേഖലകളില് ജാഗ്രത തുടരണം. ഈ ചുഴലിക്കാറ്റ് ശനിയാഴ്ചയ്ക്കുശേഷം ചൈനയില് കരതൊടുമെന്നാണ് പ്രതീക്ഷിക്കുന്നത്. അത് ദുർബലമാകുന്നതോടെ കേരളത്തിലും മഴയുടെ ശക്തികുറയും. ഇതിനുപുറമേ ഫിലിപ്പീൻസിന് സമീപത്തായി കുജിര ചുഴലിക്കാറ്റുമുണ്ട്.ചുഴലിക്കാറ്റെന്നാല് അതിശക്തമായ ന്യൂനമർദമാണ്. മർദം കുറഞ്ഞ ആ പ്രദേശത്തേക്ക് ചുറ്റുപാടുമുള്ള കാറ്റ് വലിക്കപ്പെടും. അറബിക്കടലിലെ കാറ്റ് അങ്ങോട്ടേക്ക് പ്രവഹിക്കുമ്പോള് കേരളതീരത്തും ശക്തമായ കാറ്റ് അനുഭവപ്പെടും.
ഇത് പശ്ചിമഘട്ട മലനിരകളില് തട്ടി മഴയാകും.അതിശക്തമായ ചുഴലിക്കാറ്റാണ് ഡോള്ഫിൻ. ജൂലായ് 27-നാണ് ഡോള്ഫിൻ രൂപംകൊണ്ടത്. 29-ന് ഇത് മണിക്കൂറില് 165 കിലോമീറ്റർ വേഗമുള്ള സൂപ്പർ ടൈഫൂണ് ആയി മാറി. 240 കിലോമീറ്റർ വരെ വേഗത കൈവരിച്ച അതിശക്തമായ കാറ്റാണിത്.ഇത് ചൈനയിലോ ജപ്പാൻ തീരത്തോ കരതൊടുമെന്നാണ് പ്രതീക്ഷിക്കുന്നത്.ജപ്പാനിലെ ഒഗസവാര ദ്വീപുകളില് ഇതിനകം വീശിയടിച്ച ഈ കൊടുങ്കാറ്റ് ഒകിനാവ ദ്വീപുകളിലേക്കും തുടർന്ന് ചൈനയുടെ കിഴക്കൻ തീരങ്ങളിലേക്കും (ഷാങ്ഹായ് ഉള്പ്പെടെ) നീങ്ങുമെന്നാണ് Japan Meteorological Agency വ്യക്തമാക്കുന്നത്.ചുഴലിക്കാറ്റിന്റെ മർദവ്യത്യാനം കാരണം അറബിക്കടലില് നിന്നുള്ള കാറ്റ് പസഫിക്കിലേക്ക് വലിക്കപ്പെടുന്നു.
ഇത് കേരളത്തില് ശക്തമായ മഴയ്ക്കും കാറ്റിനും കാരണമാകുന്നു.ചുഴലിക്കാറ്റ് കരതൊട്ട് ദുർബലമായാല് മാത്രമേ കേരളത്തിലെ മഴയുടെ ശക്തി കുറയുകയുള്ളൂ.ഈ വർഷത്തെ പതിമൂന്നാമത്തെ കൊടുങ്കാറ്റായ ഡോള്ഫിൻ കിഴക്കൻ ചൈനാ കടലിലൂടെ നീങ്ങുന്നതിനാല് ചൈനയില് ഓറഞ്ച് വേവ് അലേർട്ട് പുതുക്കി .നാഷണല് മറൈൻ എൻവയോണ്മെന്റല് ഫോർകാസ്റ്റിംഗ് സെന്റർ രാവിലെ 8 മണിക്കാണ് ജാഗ്രതാ നിർദ്ദേശം നല്കിയത്. രാജ്യത്ത് തിരമാലകള്ക്ക് നാല് തലങ്ങളുള്ള മുന്നറിയിപ്പ് സംവിധാനമുണ്ട്, അതില് ഏറ്റവും ഉയർന്നതിനെ ചുവപ്പ് സൂചിപ്പിക്കുന്നു, തുടർന്ന് ഓറഞ്ച്, മഞ്ഞ, നീല എന്നിവ പിന്തുടരുന്നു.
വ്യാഴാഴ്ച രാവിലെ മുതല് വെള്ളിയാഴ്ച രാവിലെ വരെ, കിഴക്കൻ കിഴക്കൻ ചൈനാ കടലില് 6 മുതല് 10 മീറ്റർ വരെ ഉയരത്തില് തിരമാലകള് ഉണ്ടാകുമെന്ന് പ്രതീക്ഷിക്കുന്നു, ഇത് കടല്ത്തീരത്ത് ഓറഞ്ച് അലർട്ട് പ്രേരിപ്പിച്ചതായി കേന്ദ്രം അറിയിച്ചു
