തിരുവനന്തപുരം: കേരളത്തില് വരുന്ന ദിവസങ്ങളില് മഴ കനത്തേക്കുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
ബംഗാള് ഉള്ക്കടലില് രൂപപ്പെട്ട ചക്രവാതച്ചുഴി ആഗസ്റ്റ് 12ഓടെ ന്യൂനമർദ്ദമായി മാറാൻ സാധ്യതയുള്ള പശ്ചാത്തലത്തിലാണ് സംസ്ഥാനത്ത് വീണ്ടും മഴ സജീവമാകുന്നത്.
ഇതിന്റെ ഭാഗമായി ആഗസ്റ്റ് 10 മുതല് 14 വരെ കേരളത്തില് നേരിയതോ മിതമായതോ ആയ മഴ ലഭിച്ചേക്കും. അടുത്ത മൂന്ന് മണിക്കൂറിനുള്ളില് കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, കോഴിക്കോട്, വയനാട് എന്നീ ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റർ വരെ വേഗതയില് ശക്തമായ കാറ്റിനും സാധ്യതയുണ്ട്.
മറ്റു ജില്ലകളില് നേരിയ മഴയ്ക്കും മണിക്കൂറില് 30 കിലോമീറ്റർ വരെ വേഗതയില് കാറ്റ് വീശാനും സാധ്യതയുണ്ടെന്ന് അധികൃതർ അറിയിച്ചു. മധ്യപ്രദേശിന് മുകളിലായി നിലനില്ക്കുന്ന മറ്റൊരു ന്യൂനമർദ്ദവും കാലാവസ്ഥയെ സ്വാധീനിക്കുന്നുണ്ട്.
