ആലപ്പുഴ: ഡോക്ടര്‍മാരുടെ അനാസ്ഥയില്‍ വയറ്റില്‍ കത്രികയുമായി 5 വർഷം നരകയാതനയില്‍ കഴിഞ്ഞ വീട്ടമ്മയ്ക്ക് കയറിക്കിടക്കാൻ വീടൊരുങ്ങി.
കെ സി വേണുഗോപാല്‍ എംപിയുടെ ഇടപെടലില്‍ ആണ് ഉഷ ജോസഫിന് വീട് വച്ച്‌ നല്‍കിയത്.
പുന്നപ്ര കിഴക്ക് മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ 7 ലക്ഷം രൂപ ചെലവിട്ടാണ് വീട് നിർമ്മിച്ചത്. 2021മെയ് മാസത്തിലായിരുന്നു ഉഷ വണ്ടാനം മെഡിക്കല്‍ കോളേജില്‍ ഗർഭാശയ മുഴ നീക്കം ചെയ്യാനായി ശസ്ത്രക്രിയക്ക് വിധേയയായത്.
അഞ്ച് വർഷത്തെ തീവ്രമായ വേദനയ്ക്ക് ശേഷം, 2026 ഫെബ്രുവരിയില്‍ കൊച്ചിയിലെ സ്വകാര്യ ആശുപത്രിയില്‍ നടത്തിയ ശസ്ത്രക്രിയയിലൂടെ വയറ്റില്‍ നിന്ന് കത്രിക പുറത്തെടുത്തത്.
കത്രിക പോലിരിക്കുന്ന ശസ്ത്രക്രിയ ഉപകരണമായി മൊസ്കിറ്റോ ആർട്ടെറി ഫോർസെപ്സ് ആണ് ഉഷയുടെ വയറ്റില്‍ ശസ്ത്രക്രിയയ്ക്കിടെ കുടുങ്ങിയത്.
