കണ്ണൂർ: സി പി എം കണ്ണൂർ വിപുലീകൃത ജില്ലാ കമ്മറ്റി യോഗത്തില്‍ പ്രതിപക്ഷ നേതാവ് പിണറായി വിജയന് വിമർശനം.
മാസപ്പടി കേസില്‍ പിണറായി വിജയൻ യഥാസമയം പ്രതികരിക്കാതിരുന്നത് അണികളില്‍ ആശയകുഴപ്പമുണ്ടാക്കിയതായി വിമർശനം ഉയർന്നു.
സംഘടനാ വീഴ്ചകള്‍ക്ക് കീഴ്ഘടകങ്ങളെ കുറ്റപ്പെടുത്തുന്ന ജില്ലാ സെക്രട്ടറിയുടെ നിലപാടിനെയും പ്രതിനിധികള്‍ വിമർശിച്ചു.
പാർട്ടി പ്രതിരോധത്തിലാകുന്ന പല വിഷയങ്ങളിലും പ്രതികരണം വൈകുന്നത് പ്രതിസന്ധിയുണ്ടാക്കുന്നുവെന്ന മുഖവുരയോടെയാണ് പിണറായി വിജയൻ ഇരിക്കുന്ന വേദിയില്‍ മാസപ്പടി കേസ് വിഷയം പ്രതിനിധികള്‍ ഉയർത്തിയത്.
മാസപ്പടി കേസില്‍ പിണറായി വിജയന്റെ പ്രതികരണം വൈകി. ഇത് അണികളിലും ആശയക്കുഴപ്പം ഉണ്ടാക്കി. എതിരാളികള്‍ക്ക് പുകമറ സൃഷ്ടിക്കാൻ ഇത് സഹായകരമായെന്നും പ്രതിനിധികള്‍ കുറ്റപ്പെടുത്തി.
