കാഞ്ഞിരപ്പള്ളി: കാഞ്ഞിരപ്പള്ളി പട്ടിമറ്റം അമാൻ നഗറിൽ പോലീസ് നടത്തിയ പരിശോധനയിൽ 2 യുവാക്കളിൽ നിന്ന് ലഹരി വസ്തുക്കൾ പിടികൂടി. "ഓപ്പറേഷൻ തൂഫാൻ" ന്റെ ഭാഗമായിരുന്നു റെയ്ഡ്.
ചങ്ങനാശേരി മഞ്ചാടിക്കര സ്വദേശി രഞ്ജിത്ത് രാധാകൃഷ്ണൻ (29), ആലപ്പുഴ മങ്കൊമ്പ് സ്വദേശി ഉണ്ണിരാജ് (28) എന്നിവരിൽ നിന്നാണ് 2.21 ഗ്രാം NDMA യും 2 LSD സ്റ്റാമ്പുകളും കണ്ടെടുത്തത്.
കാഞ്ഞിരപ്പള്ളി പോലീസും കോട്ടയം ജില്ലാ പോലീസ് മേധാവിയുടെ DANSAF ടീം അംഗങ്ങളും ചേർന്നാണ് പ്രതികളെ പിടികൂടിയത്.
കാഞ്ഞിരപ്പള്ളി എസ്.ഐ സുകേഷ് എസ്.എൻ, എസ്.ഐമാരായ അനിൽകുമാർ എം.പി, പ്രദീപ്, എ.എസ്.ഐ ഷിനോ തങ്കപ്പൻ, സീനിയർ സിവിൽ പോലീസ് ഓഫീസർമാരായ വിനീത്, ആർ. നായർ, ശ്രീജിത്ത്, സി.പി.ഒ അനൂപ് എന്നിവരടങ്ങിയ സംഘമാണ് റെയ്ഡിന് നേതൃത്വം നൽകിയത്.
