പാലാ: യുഡിഎഫിന് വോട്ട് ചെയ്തവർ നിരാശയിലാണെന്നും മധുവിധുകാലത്ത് തന്നെ തമ്മിലടിയാണെന്നും സിപിഎം സംസ്ഥാന സെക്രട്ടറിയറ്റംഗം പി.
ജയരാജൻ. സിപിഎം വിശാല ജില്ലാകമ്മിറ്റിക്കു പാലായില്‍ എത്തിയതായിരുന്നു ജയരാജൻ. ആരോഗ്യമന്ത്രിക്കെതിരെ രൂക്ഷ വിമർശനവും അദ്ദേഹം നടത്തി. കോർപ്പറേറ്റ് സ്ഥാപനങ്ങള്‍ ആരോഗ്യ മേഖലയെ കയ്യടക്കുന്നു.
കിങ്ങിണിക്കുട്ടൻ ആരോഗ്യമന്ത്രി ആയതോടെ കോർപ്പറേറ്റുകള്‍ ആഹ്ലാദത്തിലാണെന്നും പി ജയരാജൻ പറഞ്ഞു. യുഡിഎഫ് കണ്‍വീനർ തന്നെ മുഖ്യമന്ത്രിയുടെ നടപടികള്‍ക്കെതിരായി പരസ്യമായി പ്രതികരിക്കുന്ന നിലയാണുള്ളത്. യുഡിഎഫില്‍ ഐക്യമില്ല. മൂന്നുമാസംകൊണ്ട് തമ്മിലടി ആരംഭിച്ചു. തമ്മിലടി തെരുവില്‍ എത്തി. യുഡിഎഫ് അധികാരത്തില്‍ വരാൻ വോട്ട് ചെയ്ത് ജനങ്ങള്‍ ഇപ്പോള്‍ അമർഷത്തിലാണ്. തങ്ങള്‍ക്ക് പറ്റിയത് തിരുത്തണമെന്നാണ് ചിന്തിക്കുന്നത്
അതിന്റെ ഏറ്റവും വലിയ തെളിവാണ് തദ്ദേശ ഉപതിരഞ്ഞെടുപ്പ് ഫലം''- ജയരാജൻ പറഞ്ഞു. സംഘപരിവാറിന്റെ പ്രതിഷേധത്തോട് മന്ത്രിമാർക്ക് അമർഷമില്ലെന്നും എസ്‌എഫ്‌ഐ-ഡിവൈഎഫ്‌ഐ നടത്തിയിട്ടുള്ള പ്രതിഷേധത്തോടാണ് അമർഷമെന്നും അദ്ദേഹം പറഞ്ഞു. സംഘപരിവാറിനെ വെറുപ്പിക്കാതെ ഭരണം നടത്താനാണ് മുഖ്യമന്ത്രി വി.ഡി.സതീശന്റെ ശ്രമമെന്നും അദ്ദേഹം ആരോപിച്ചു.
