അതിരമ്പുഴ: സെന്റ് മേരീസ് ഗേൾസ് ഹൈസ്കൂളിൽ ആധുനിക പഠനരീതികൾക്ക് കൂടുതൽ പ്രാധാന്യം നൽകുന്നതിനായി ഫെഡറൽ ബാങ്ക് അതിരമ്പുഴ ബ്രാഞ്ചിന്റെ സഹകരണത്തോടെ സ്ഥാപിച്ച ഇന്ററാക്ടീവ് പാനലിന്റെ ഉദ്ഘാടനം നടത്തി.
ഫെഡറൽ ബാങ്ക്, കോട്ടയം റീജിയണിലെ ഡെപ്യൂട്ടി വൈസ് പ്രസിഡന്റും റീജിയണൽ ഹെഡുമായ ബിന്ദു എം ആണ് ഇന്ററാക്ടീവ് പാനൽ സ്വിച്ച് ഓൺ ചെയ്ത് ഉദ്ഘാടനം നിർവഹിച്ചത്.
സ്കൂൾ അഡ്മിനിസ്ട്രേറ്റർ റവ. ഫാ. ടോണി മണക്കുന്നേൽ അധ്യക്ഷത വഹിച്ചു. സ്കൂൾ ഹെഡ്മിസ്ട്രസ് സിനി ജോസഫ് സ്വാഗതം ആശംസിച്ചു.
ഫെഡറൽ ബാങ്ക് അതിരമ്പുഴ ബ്രാഞ്ച് മാനേജർ ആബി ജേക്കബ്, വാർഡ് മെമ്പർ ബേബീനാസ് അജാസ്, പി.ടി.എ. പ്രസിഡന്റ് സന്തോഷ് കുര്യൻ എന്നിവർ ആശംസകൾ അർപ്പിച്ചു.
വിദ്യാർത്ഥികളുടെ പഠനാനുഭവം കൂടുതൽ ആകർഷകവും സാങ്കേതികവിദ്യാധിഷ്ഠിതവുമാക്കാൻ ഇന്ററാക്ടീവ് പാനൽ സഹായിക്കുമെന്ന് ഫെഡറൽ ബാങ്ക് ഭാരവാഹികൾ വ്യക്തമാക്കി . SITC ജോബിൻ ജെ. മുകുളേൽ നന്ദി രേഖപ്പെടുത്തി.
