ആലപ്പുഴ: വണ്ടാനം മെഡിക്കല് കോളജിലെ നിയമനങ്ങളുമായി ബന്ധപ്പെട്ട് ജി. സുധാകരൻ ഉന്നയിച്ച ഗുരുതരമായ ആരോപണത്തില് വിജിലൻസ് അന്വേഷണം ആവശ്യപ്പെട്ട് എച്ച്. സലാം. സംഭവത്തില് സമഗ്രമായ അന്വേഷണം നടത്തണമെന്നാവശ്യപ്പെട്ട് സലാം ആഭ്യന്തര മന്ത്രി രമേശ് ചെന്നിത്തലയ്ക്ക് നേരിട്ട് പരാതി നല്കി.
ആലപ്പുഴയില് എത്തിയ മന്ത്രിയെ നേരില് കണ്ടാണ് പരാതി കൈമാറിയത്. വിഷയം ഗൗരവത്തോടെ പരിശോധിക്കുമെന്നും ആവശ്യമായ അന്വേഷണ നടപടികള് ഉണ്ടാകുമെന്നും മന്ത്രി ഉറപ്പുനല്കിയതായി എച്ച്. സലാം വ്യക്തമാക്കി.
കഴിഞ്ഞ ജൂണ് 26-ന് മെഡിക്കല് കോളജില് നടന്ന ഒരു പൊതുപരിപാടിയിലായിരുന്നു ജി. സുധാകരൻ പരസ്യമായി ആരോപണം ഉന്നയിച്ചത്. സുധാകരൻ ഉന്നയിച്ച ആരോപണങ്ങള് വിജിലൻസ് അന്വേഷിക്കണമെന്നാണ് പരാതിയിലെ പ്രധാന ആവശ്യം.
