തിരുവനന്തപുരം: വാണിജ്യ സിലിണ്ടർ വിലയില്‍ വീണ്ടും വർദ്ധന. സിലിണ്ടറിന് 12.50 രൂപ കൂട്ടി. ഗാർഹിക സിലിണ്ടർ വിലയില്‍ മാറ്റമില്ല.
കൊച്ചിയില്‍ 2840 രൂപയും കോഴിക്കോട് 2870 രൂപയും തിരുവനന്തപുരത്ത് 2860 രൂപയുമാണ് വാണിജ്യ സിലിണ്ടറിന്റെ പുതിയ വില.
കഴിഞ്ഞ മാസം 66.50 രൂപയാണ് വാണിജ്യ സിലിണ്ടറിന് വർദ്ധിപ്പിച്ചത്. രാജ്യാന്തര വിപണിയില്‍ ക്രൂഡോയില്‍ വില ഉയർന്നനിലയില്‍തന്നെ തുടരുന്നതാണ് വിലവർദ്ധനവിന് കാരണം.
വാണിജ്യ സിലിണ്ടറിന്റെ വിലവർദ്ധന ഹോട്ടല്‍ മേഖലയെ സാരമായി ബാധിക്കുമെന്നിരിക്കെ പുറത്തുനിന്നുള്ള ഭക്ഷണത്തിന് ഇനിയും വില കൂടുമോയെന്ന ആശങ്ക നിലനില്‍ക്കുന്നു.
