ഡൽഹി: ഫ്രാൻസിലെ സാഹചര്യം ചൂണ്ടിക്കാട്ടി ഇന്ത്യയിലെ സമരത്തിനെതിരെ നടക്കുന്ന പ്രചാരണം തള്ളി കോക്റോച്ച്‌ ജനതാ പാർട്ടി (സിജെപി).
ജന്തർ മന്തറില്‍ ഒരു മാസത്തിലധികം സമരം ഇരുന്നിട്ടും ആരും അക്രമം നടത്തിയില്ലെന്ന് സിജെപി ചൂണ്ടിക്കാട്ടി.
ഫ്രാൻസിലെ സാഹചര്യവും ഇന്ത്യയിലേതുമായി താരതമ്യം ചെയ്യാൻ കഴിയില്ല. സമരക്കാർക്കെതിരെ ബലപ്രയോഗം നടത്തിയത് പൊലീസാണെന്നും സിജെപി പറഞ്ഞു.
നിലവില്‍ മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരായ രാജ്യതലസ്ഥാനത്തെ സമരത്തിന് രാഷ്ട്രീയ പാർട്ടികള്‍ ഇടവേള നല്‍കിയിരിക്കുകയാണ്. ദസറ ആഘോഷങ്ങള്‍ക്ക് ശേഷം സമരങ്ങള്‍ തുടരാനാണ് കോണ്‍ഗ്രസ് അടക്കമുള്ള കക്ഷികളുടെ തീരുമാനം.
ഒക്ടോബർ 25 മുതല്‍ രാംലീല മൈതാനത്ത് സമരം കടുപ്പിക്കാനാണ് കോണ്‍ഗ്രസിൻ്റെ തീരുമാനം. ഇന്ന് വൈകിട്ട് അഞ്ചരയ്ക്ക് മാ‍ർച്ച്‌ സംഘടിപ്പിക്കുമെന്ന് യൂത്ത് കോണ്‍ഗ്രസ് അറിയിച്ചിട്ടുണ്ട്.
കഴിഞ്ഞ ദിവസം വൈകുന്നേരം പ്രതിഷേധവുമായി എൻഎസ്‍യുഐ പ്രവ‍ർത്തക‍‍ർ രംഗത്തെത്തിയിരുന്നു.
