കുമരകം: കുമരകം ഗ്രാമപഞ്ചായത്തിന്റെ പരിധിയിലെ പൊതുനിരത്തുകളിലും പൊതുസ്ഥലങ്ങളിലും അനധികൃതമായി സ്ഥാപിച്ചിട്ടുള്ള ഫ്ലെക്സ് ബാനറുകൾ, കൊടികൾ, തോരണങ്ങൾ തുടങ്ങിയവ ഇന്ന് നീക്കം ചെയ്യും. കുമരകത്തിന്റെ മനോഹാരിത വീണ്ടെടുക്കാനാണ് പഞ്ചായത്തിന്റെ ശ്രമം.
7 ദിവസത്തിനകം നീക്കം ചെയ്യുന്നതിനുള്ള നോട്ടീസ് 29 .8 .2026-ൽ നൽകിയിരുന്നു. ഇതനുസരിച്ച് ബോർഡുകൾ മാറ്റാത്തവർക്ക് പിഴയിടാനും തീരുമാനിച്ചിട്ടുണ്ട്.
ഇന്നത്തെ പരിശോധനയിൽ അനധികൃതമായി സ്ഥാപിച്ചിട്ടുള്ള ഫ്ലെക്സ് ബാനറുകൾ, കൊടികൾ തുടങ്ങിയവ കണ്ടെത്തുന്ന പക്ഷം ഇനി പ്രത്യേക അറിയിപ്പ് നൽകാതെ തന്നെ ഹൈക്കോടതി ഉത്തരവ് പ്രകാരം ₹5,000/- പിഴ ഉടൻ ചുമത്തുന്നതാണ്.
എല്ലാ വാർഡ് മെമ്പർമാരും ഈ വിവരം അവരവരുടെ വാർഡുകളിലെ പൊതുജനങ്ങളെ അറിയിക്കുകയും, അനധികൃതമായി സ്ഥാപിച്ചിട്ടുള്ള ഇത്തരം ഫ്ലെക്സ്/ബാനറുകൾ ശ്രദ്ധയിൽപ്പെട്ടാൽ സ്ഥലവിവരവും സാധ്യമെങ്കിൽ ഫോട്ടോയും സഹിതം സെക്രട്ടറിയെ അറിയിക്കണമെന്നും നിർദേശമുണ്ട്.
