കൊച്ചി: പ്രതിപക്ഷ നേതാവ് പിണറായി വിജയന്‍റെ വീട്ടില്‍ നടന്ന റെയ്ഡിന് പിന്നാലെ
ഇഡി ഉദ്യോഗസ്ഥരെ ആക്രമിച്ച കേസില്‍ തിരുവനന്തപുരം മ്യൂസിയം പൊലിസ് കൊച്ചി എന്‍ഫോഴ്‌സ്‌മെന്‍റ് ഡയറക്ടേറ്റ് ഓഫീസിലെത്തി വിവരങ്ങള്‍ ശേഖരിച്ചു.
സിഎംആര്‍എല്‍ -എക്‌സാലോജിക് ഇടപാടുമായി ബന്ധപ്പെട്ട് പ്രതിപക്ഷ നേ താവ് പിണറായി വിജയന്‍റെ വീട്ടില്‍ നടന്ന റെയ്ഡിന് പിന്നാലെയാണ് ഇഡി ഉദ്യോഗസ്ഥര്‍ ആക്രമിക്കപ്പെട്ടത്.
ഇതുമായി ബന്ധപ്പെട്ടാണ് മ്യൂസിയം പൊലിസ് കൊച്ചിയിലെത്തി ഇഡി ഉദ്യോഗസ്ഥരുടെ മൊഴി എടുത്തത്.
റെയ്ഡിനായി ഉദ്യോഗസ്ഥര്‍ എത്തിയ വാഹനങ്ങളുടെ വിവരങ്ങളും പൊലിസ് ശേഖരിച്ചിട്ടുണ്ട്. ഈ വാഹനങ്ങളും സിപിഎം പ്രവര്‍ത്തകര്‍ തകര്‍ത്തിരുന്നു.
കേസില്‍ പൊലിസ് കേസ് എടുത്ത് 25 ഓളം പേരെ അറസ്റ്റ് ചെയ്തിരുന്നു.
സംഭവത്തില്‍ ഇഡിയും കേസ് എടുത്തിരുന്നു. പൊലിസ് അന്വേഷണം ഗൂഢാലോചനയിലേക്ക് നീളാത്തതില്‍ ഇഡിക്ക് അതൃപ്തി ഉണ്ടായിരുന്നു. ഈ സാഹചര്യത്തില്‍ ആയിരുന്നു ഇഡി കേസ് എടുത്തത്.
റെയ്ഡിനിടെയുണ്ടായ ആക്രമണം കള്ളപ്പണ കേസിന്‍റെ അന്വേഷണം തടസപ്പെടുത്താനെന്നാണ് ഇഡിയുടെ വാദം.
