തിരുവനന്തപുരം: ഓട്ടം വിളിച്ചെത്തിയ ഉബർ കാർ ഡ്രൈവറെ കബളിപ്പിച്ച് തട്ടിയെടുത്ത് കടന്നുകളഞ്ഞ കേസില് നിരവധി ക്രിമിനല് കേസുകളില് പ്രതിയായ യുവാവിനായി പോലീസ് അന്വേഷണം ഊർജിതമാക്കി.
കഠിനംകുളം പോലീസ് സ്റ്റേഷൻ പരിധിയിലാണ് സംഭവം.
പുതുക്കുറിച്ചി സ്വദേശി സുഹൈല് കനി (32) ആണ് കാർ തട്ടിയെടുത്ത് രക്ഷപ്പെട്ടത്. ബുധനാഴ്ച പുലർച്ചെ അഞ്ചുമണിയോടെയാണ് ഇയാള് ഉബർ കാർ ബുക്ക് ചെയ്തത്. പെരുമാതുറ ജംഗ്ഷനിലെത്തിയപ്പോള് സുഹൃത്തുക്കള് വരാനുണ്ടെന്നും അതുവരെ കാത്തുനില്ക്കണമെന്നും ഡ്രൈവറോട് ആവശ്യപ്പെട്ടു.
തുടർന്ന് ഡ്രൈവർ സമീപത്തെ കടയില് ചായ കുടിക്കാനായി ഇറങ്ങിയ സമയത്ത് സുഹൈല് കനി കാർ എടുത്ത് കടന്നുകളയുകയായിരുന്നു. വിവരം ലഭിച്ചതിനെ തുടർന്ന് കഠിനംകുളം പോലീസ് അന്വേഷണം ആരംഭിച്ചു. കാർ വർക്കല ഭാഗത്തേക്കാണ് കൊണ്ടുപോയതെന്ന് അന്വേഷണത്തില് കണ്ടെത്തി.
