ഡൽഹി: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിൻ്റെ രാജിയാവശ്യപ്പെട്ട് പ്രതിപക്ഷ സംഘടനകള്‍ ഡൽഹിയില്‍ നടത്തുന്ന പ്രതിഷേധം ശക്തമാവുന്നു.
രാവിലെ മുതല്‍ നടന്ന പ്രതിഷേധത്തിൻ്റെ തുടർച്ചയെന്നോണം രാത്രിയും സമരം തുടരുകയാണ് വിദ്യാർത്ഥി സംഘടനകള്‍.
കൊണാട്ട്പ്ലേസിലേക്ക് വീണ്ടും വിദ്യാർഥികള്‍ മാർച്ചുമായി എത്തി. കൂടാതെ വനിതകളുടെ തിരംഗ മാർച്ചുമായി എസ്‌എഫ്‌ഐയും പ്രതിഷേധിക്കുകയാണ്.
എസ്‌എഫ്‌ഐ നേതാവ് ഐഷി ഘോഷിൻ്റെ നേതൃത്വത്തിലാണ് പ്രതിഷേധം.
അതേസമയം, സംഘടിച്ചെത്തിയ വിദ്യാർത്ഥികളെ പൊലീസ് ബലംപ്രയോഗിച്ച്‌ നീക്കുകയാണ്. വിദ്യാർത്ഥികള്‍ പൊലീസ് ബസ്സിന് മുകളില്‍ കയറി നിന്നും പ്രതിഷേധിക്കുകയാണ്.
