ഡൽഹി: പ്രതിപക്ഷ നേതാക്കള്‍ നല്‍കാൻ ഉദ്ദേശിക്കുന്ന നിവേദനം സുപ്രീം കോടതി ചീഫ് ജസ്റ്റിസ് സ്വീകരിക്കില്ല.
ചീഫ് ജസ്റ്റിസുമായുള്ള കൂടിക്കാഴ്ചയ്ക്ക് അനുമതി നല്‍കിയില്ല.
സുപ്രീം കോടതി പരിഗണിക്കുന്ന കേസിലാണ് പ്രതിപക്ഷം നിവേദനം നല്‍കാൻ ആഗ്രഹിക്കുന്നതെന്നും അതിനാല്‍ നേതാക്കളെ കാണുന്നത് ഉചിതമാകില്ലെന്നും ചീഫ് ജസ്റ്റിസ് നല്‍കിയ കത്തില്‍ പറയുന്നു.
മൗലികാവകാശങ്ങള്‍ സംരക്ഷിക്കാൻ ഏത് സമയവും കോടതിയുടെ വാതിലുകള്‍ തുറന്നു കിടക്കുകയാണ്. പ്രതിപക്ഷം ഉന്നയിക്കുന്ന വിഷയങ്ങള്‍ക്ക് ഭരണപരമായ പരിഹാരമാണ് വേണ്ടത്. ഇക്കാര്യത്തില്‍ തനിക്ക് വ്യക്തിപരമായി ഒന്നും ചെയ്യാൻ കഴിയില്ലെന്നും ചീഫ് ജസ്റ്റിസ് പ്രതികരിച്ചു.
പ്രതിപക്ഷം ഹർജി നല്‍കുകയാണെങ്കില്‍ നിലവിലുള്ള കേസിനൊപ്പം അടിയന്തരമായി പരിഗണിക്കാമെന്നും ചീഫ് ജസ്റ്റിസ് പറഞ്ഞു.
അതേസമയം, സുപ്രീം കോടതിയിലേക്കുള്ള പ്രതിപക്ഷ മാർച്ച്‌ സർക്കാർ തടയും. വൈകുന്നേരമാണ് ഇന്ത്യ സഖ്യം സുപ്രീം കോടതിയിലേക്ക് മാർച്ച്‌ നടത്തുക.
