കൊച്ചി: നെടുമ്പാശ്ശേരി മിനികൂപ്പർ വാഹനാപകടത്തില്‍ പ്രതി സുഹൈലിൻ്റെ ലൈസൻസ് റദ്ദാക്കാൻ മോട്ടോർ വാഹന വകുപ്പ്.
അമിതവേഗത്തില്‍ വാഹനമോടിച്ചതിന്റെ ദൃശ്യങ്ങള്‍ പരിശോധിക്കും. അപകടത്തിൻ്റെ പൊലീസ് റിപ്പോർട്ട് കിട്ടിയാല്‍ ലൈസൻസ് റദ്ദാക്കാനാണ് നീക്കം.
അതേസമയം, മൂന്ന് പേരാണ് സുഹൈല്‍ സജീവിന് ഒപ്പമുണ്ടായിരുന്നത്. മറ്റ് രണ്ട് പേർ കൂടി പിടിയിലായി. ഇവരൊന്നിച്ചാണ് ബാറുകളില്‍ കയറി മദ്യപിച്ചത്.
സംഭവശേഷം ഇവർ സമീപത്ത് പാർക്ക് ചെയ്തിരുന്ന വാഗ്നർ കാറില്‍ രക്ഷപ്പെട്ടു. കൂടെയുണ്ടായിരുന്നവർക്കെതിരെ പ്രേരണാക്കുറ്റമാണ് ചുമത്തിയിരിക്കുന്നത്.
മദ്യപിച്ച്‌ വാഹനം ഓടിക്കുന്നത് അറിഞ്ഞിട്ടും തടഞ്ഞില്ലെന്നും അമിതവേഗം തടഞ്ഞില്ലെന്നതുമാണ് ഇവർക്കെതിരായ കുറ്റം.ഇവരെ ഇന്ന് കോടതിയില്‍ ഹാജരാക്കും.
