നിത്യചൈതന്യ ഫൗണ്ടേഷൻ ചാരിറ്റബിൾ ട്രസ്റ്റിന്റെ പ്രഥമ പൊതുയോഗം സ്പൈസസ് ബോർഡ് മുൻ ചെയർമാൻ എ.ജി തങ്കപ്പൻ ഉദ്ഘാടനം ചെയ്‌തു.

കോട്ടയം: നിത്യചൈതന്യ ഫൗണ്ടേഷൻ ചാരിറ്റബിൾ ട്രസ്റ്റിന്റെ പ്രഥമ പൊതു

യോഗവും വിദ്യാധിരാജ ചട്ടമ്പി സ്വാമികളുടെ 172-ാമതു ജയന്തിയും, ദേശാഭിമാനി റ്റി.കെ മാധവൻ്റെ 141-ാമതു ജന്മദിനവും സത്യവ്രത സ്വാമികളുടെ സമാധി ശതാബ്ദി അനുസ്‌മരണവും ഗാന്ധിജി സ്റ്റഡിസെൻ്റർ ഓഡിറ്റോറിയത്തിൽ നടത്തി. സ്പൈസസ് ബോർഡ് മുൻ ചെയർമാൻ എ.ജി തങ്കപ്പൻ സമ്മേളനം ഉദ്ഘാടനം ചെയ്‌തു. നിത്യചൈതന്യ ഫൗണ്ടേഷൻ ചാരിറ്റബിൾ ട്രസ്റ്റ് പ്രസിഡന്റ്റ് അഡ്വ.കെ.എ പ്രസാദ് യോഗത്തിൽ അദ്ധ്യക്ഷത വഹിച്ചു. എം.ജി യൂണിവേഴ്‌സിറ്റി മുൻ പി.ആർ.ഒ അഡ്വ. ജി. ശ്രീകുമാർ വിദ്യാധിരാജ ചട്ടമ്പി സ്വാമി ജയന്തി സന്ദേശവും, ചിൽഡ്രൻസ് ലൈബ്രറി എക്‌സിക്യൂട്ടീവ് ഡയറക്ടർ വി.ജയകുമാർ ദേശാഭിമാനി റ്റി.കെ മാധവൻ ജന്മദിന പ്രഭാഷണവും എസ്.എൻ.ഡി.പി യൂത്ത് മൂവ്‌മെൻ്റ് കേന്ദ്രസമിതി വൈസ് പ്രസിഡന്റ് സജീഷ് കുമാർ, മണലേൽ സത്യവ്രത സ്വാമികളുടെ സമാധി അനുസ്മരണവും നടത്തി. എ.കെ ജോസഫ്, എം.എസ് സാബു, അഡ്വ.ശശികുമാർ പി.ആർ നായർ, ഷാജി ശ്രീശിവം, അഡ്വ. ശാന്താറാം റോയി, മോനി കാരാപ്പുഴ, റ്റി.റ്റി തുളസീദാസൻ, പി.വി വിനോദ് തുടങ്ങിയവർ യോഗത്തിൽ പ്രസംഗിച്ചു.