ഇടുക്കി: കനത്ത മഴയുടെ പശ്ചാത്തലത്തില്‍ ഇടുക്കി ജില്ലയില്‍ പ്രത്യേക ജാഗ്രത നിർദ്ദേശവുമായി ദുരന്തനിവാരണ അതോറിറ്റി.
ഇന്ന് രാത്രി എട്ട് മണിവരെ ജില്ലയില്‍ കനത്ത മഴക്ക് സാധ്യതയുണ്ടെന്നും ജാഗ്രത പാലിക്കണമെന്നുമാണ് മുന്നറിയിപ്പ്.
രാത്രി പത്ത് മണിവരെ മലയോര മേഖലയിലൂടെ യാത്രചെയ്യുന്നവർ ശ്രദ്ധിക്കണമെന്നും പൊതുജനങ്ങള്‍ക്കുള്ള ജാഗ്രതാ നിർദ്ദേശത്തില്‍ ദുരന്തനിവാരണ അതോറിറ്റി വ്യക്തമാക്കിയിട്ടുണ്ട്.
വെളളച്ചാട്ടങ്ങള്‍ക്ക് സമീപം വിനോദസഞ്ചാരികള്‍ പോകരുതെന്നും നി‍ർദ്ദേശമുണ്ട്.
അതേസമയം ഇടുക്കിക്കൊപ്പം അടുത്ത 3 മണിക്കൂറില്‍ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില്‍ ഒറ്റപ്പെട്ടയിടങ്ങളില്‍ ഇടിമിന്നലോട് കൂടിയ നേരിയ മഴയ്ക്കും മണിക്കൂറില്‍ 40 കിലോമീറ്റർ വരെ വേഗതയില്‍ ശക്തമായ കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
