കോട്ടയം: കോട്ടയം
സിഐടിയു സംസ്ഥാന സമ്മേളനത്തിന്റെ ഭാഗമായി തിരുനക്കര മൈതാനത്ത് ഏഴിനും എട്ടിനും ഓപ്പൺ ഫോറം സംഘടിപ്പിക്കും.
ഏഴിന്‌ പകൽ മൂന്നിന് "തൊഴിലിടങ്ങളിൽ സ്ത്രീ: തൊഴിലാളികൾ നേരിടുന്ന വെല്ലുവിളികൾ' എന്ന വിഷയത്തിലുള്ള ഓപ്പൺ ഫോറം അഖിലേന്ത്യ സെക്രട്ടറി എ ആർ സിന്ധു ഉദ്ഘാടനം ചെയ്യും.
ദീപ കെ രാജൻ വിഷയാവതരണം നടത്തും. എട്ടിന് പകൽ മൂന്നിന് "യുവ തൊഴിലാളികൾ നേരിടുന്ന വെല്ലുവിളികൾ' എന്ന വിഷയത്തിലുള്ള ഓപ്പൺ ഫോറം മീര നിമീഷ് ഉദ്ഘാടനം ചെയ്യും.
ദീപക് പച്ച വിഷയം അവതരിപ്പിക്കും.
സമ്മേളനത്തിന്റെ ഭാഗമായി വിവിധ കലാസാംസ്‌കാരിക പരിപാടികളാണ് തിരുനക്കര മൈതാനത്ത് സംഘടിപ്പിക്കും.
നാളെ വൈകിട്ട്‌ 6.30ന് അലോഷിയുടെ ഗാനസന്ധ്യ അരങ്ങേറും.
ഏഴിന്‌ വൈകിട്ട്‌ അഞ്ചിന്‌ മേജർ സെറ്റ് കഥകളി. എട്ടിന് വൈകിട്ട്‌ അഞ്ചിന്‌ വനിതാസാഹിതി "മാണിക്കംപെണ്ണ്' അവതരിപ്പിക്കുന്ന നാട്ടറിവ്
പാട്ടുകൾ, തിരുവാതിര, വൈകിട്ട്‌ ആറിന്‌ ചിലങ്ക ഫ്ളോട്ടിങ്‌ തിയേറ്റർ അവതരിപ്പിക്കുന്ന മിസ നാടകം, 7.30ന് കാസർകോട്‌ ജ്വാല പീലിക്കോട് കലാവേദി അവതരിപ്പിക്കുന്ന പെണ്ണൊരുമ നാടൻപാട്ട്, ഒമ്പതിന്‌ പകൽ മൂന്നിന് നാഗമ്പടം മൈതാനിയിൽ സൗപർണിക താൻസൺ ടീം നയിക്കുന്ന ഗാനോത്സവം എന്നിവ നടക്കും.
കോട്ടയം സാഹിത്യ സാംസ്‌കാരിക ഉത്സവം ഒമ്പത്‌ വരെ പ്രദർശനനഗറിൽ നടക്കും.
സാഹിത്യ, സാംസ്‌കാരിക നായകർ പങ്കെടുക്കുന്ന പ്രഭാഷണം, കഥാചർച്ച, കവിയരങ്ങ്, പാട്ടുത്സവം, പുസ്‌തക ചർച്ച എന്നിങ്ങനെ വിവിധ പരിപാടികളാണ് പുരോഗമന കലാസാഹിത്യ സംഘം ജില്ലാ കമ്മിറ്റിയുടെ നേതൃത്വത്തിൽ നടക്കുക.
