സ്ത്രീകളിൽ സാധാരണയായി കണ്ടുവരുന്ന കാൻസറാണ്ഓവേറിയൻ കാൻസർ.
നേരത്തെ കണ്ടെത്താൻ ബുദ്ധിമുട്ടുള്ള വിഭാഗം കാൻസറാണിത്.
ലക്ഷണങ്ങളും ആദ്യഘട്ടത്തിൽ തിരിച്ചറിയപ്പെടണമെന്നില്ല. എന്നാൽ, കൃത്യമായ ചികിത്സയിലൂടെ ഇത് ഭേദമാക്കാൻ കഴിയും.
സാധാരണയായി സ്ത്രീകളിൽ കൂടുതലായി രണ്ടുതരത്തിലുള്ള കാൻസർ ആണ് കണ്ടുവരുന്നത്. ഒന്നാമത്തേത് എപ്പിത്തീലിയൽ ഓവേറിയൻ കാൻസർ, അടുത്തത് ജെംസെൽ ഓവേറിയൻ കാൻസർ.
50 വയസ്സിന് മുകളിലുള്ള സ്ത്രീകളിൽ കൂടുതലായി കാണുന്നത് എപ്പിത്തീലിയൽ ഓവേറിയൻ കാൻസറാണ്.
പ്രത്യേകിച്ച് ആർത്തവവിരാമം കഴിഞ്ഞ സ്ത്രീകളിലാണ് ഈ രോഗമുണ്ടാവുന്നത്.
എന്നാൽ ജെംസെൽ ഓവേറിയൻ കാൻസർ ചെറുപ്പക്കാരായ യുവതികളിലും കണ്ടുവരുന്നു.
വളരെ കൃത്യമായ ലക്ഷണങ്ങൾ കാണിക്കാത്തതിനാൽ പലപ്പോഴും ഓവേറിയൻ കാൻസർ മൂന്നാമത്തെയോ നാലാമത്തെയോ സ്റ്റേജിലാണ് കണ്ടുപിടിക്കാറുള്ളത്.
സാധാരണയായി ഉണ്ടാവുന്ന ലക്ഷണങ്ങൾ ഇവയൊക്കെയാണ്. വയർ വീർത്തതുപോലെ തോന്നുക (bloating), വയറുവേദന / നാഭിയുടെ ഭാഗത്തുളള വേദന,
ഭക്ഷണം കഴിച്ചാൽ പെട്ടെന്ന് നിറഞ്ഞുവെന്ന തോന്നൽ, ഇടയ്ക്കിടെ മൂത്രമൊഴിക്കാൻ തോന്നുന്നതും മൂത്രമൊഴിക്കുന്നതും,
ഭാരം കുറയുക അല്ലെങ്കിൽ അമിതമായി കൂടുക എന്നിവയാണ് പ്രധാനപ്പെട്ടവ. ചിലരിൽ ആർത്തവസംബന്ധമായ ക്രമക്കേടുകളുമുണ്ടാവാം
