ആർത്തവത്തിന് മുൻപ് സാധാരണയായി സ്ത്രീകളിൽ ശാരീരികവും മാനസികവുമായ പല മാറ്റങ്ങളും ഉണ്ടാകാറുണ്ട്. ഇതിനെ പ്രീമെൻസ്ട്രൽ സിൻഡ്രോം (PMS) എന്ന് വിളിക്കുന്നു. ഹോർമോണുകളിൽ ഉണ്ടാകുന്ന വ്യതിയാനങ്ങളാണ് ഇതിന് പ്രധാന കാരണം. ആർത്തവത്തിന് മുൻപ് രാത്രിയിൽ മധുരം കഴിക്കാൻ ചിലർക്കെങ്കിലും തോന്നാറുണ്ടാകും.
മൂഡ് സ്വിങ്സ് (പെട്ടെന്നുള്ള മാനസികാവസ്ഥാ മാറ്റങ്ങൾ), ഉത്കണ്ഠ, വിഷാദം, വിശപ്പ് കൂടുകയോ കുറയുകയോ ചെയ്യുക, മലബന്ധം, ഉറക്കപ്രശ്നങ്ങൾ എന്നിവയുൾപ്പെടെ പല മാറ്റങ്ങൾക്കും പിഎംഎസ് (PMS) കാരണമാകുമെന്ന് മുഖർജി പറയുന്നു. ഈ ലക്ഷണങ്ങൾ ആർത്തവചക്രവുമായി ബന്ധപ്പെട്ടതാണെന്ന് മനസ്സിലാക്കുകയാണ് ഇതിലെ ആദ്യ പടിയെന്നും അവർ വ്യക്തമാക്കുന്നു.
പിഎംഎസ് (PMS) മാനസികാവസ്ഥ, വിശപ്പ്, ഉറക്കം, ദഹനം എന്നിവയെ ബാധിച്ചേക്കാം. ഓരോ തവണയും പെട്ടെന്നുണ്ടാകുന്ന ഇത്തരം മാറ്റങ്ങളിൽ പകച്ചുപോകുന്നതിന് പകരം, അവയെ നേരിടാൻ തയ്യാറെടുക്കാൻ മാസമുറയുമായി ബന്ധപ്പെട്ട ശാരീരിക-മാനസിക മാറ്റങ്ങളുടെ രീതി മനസ്സിലാക്കുന്നത് സഹായിക്കുമെന്ന് അഞ്ജലി പറയുന്നു.
