ശരീരത്തില്‍ അസ്ഥികള്‍ പലവിധ ധർമ്മങ്ങള്‍ നിർവഹിക്കുന്നു. പേശികളെ ഉറപ്പിച്ചുനിർത്തുക, ആന്തരാവയവങ്ങള്‍ക്ക് സംരക്ഷണം നല്‍കുക, എന്നിവ ഇതില്‍ ഉള്‍പ്പെടുന്നു.
ശരീരത്തില്‍ അസ്ഥികള്‍ പലവിധ ധർമ്മങ്ങള്‍ നിർവഹിക്കുന്നു. പേശികളെ ഉറപ്പിച്ചുനിർത്തുക, ആന്തരാവയവങ്ങള്‍ക്ക് സംരക്ഷണം നല്‍കുക, എന്നിവ ഇതില്‍ ഉള്‍പ്പെടുന്നു. 30 വയസ്സാകുമ്പോഴേക്കും ശരീരത്തിലുള്ള അസ്ഥികളുടെ അളവും, അതിനുശേഷം എത്ര വേഗത്തില്‍ അവ നഷ്ടപ്പെടുന്നു എന്നതും, അസ്ഥികളെ ദുർബലവും പൊട്ടാൻ എളുപ്പമുള്ളതുമാക്കുന്ന 'ഓസ്റ്റിയോപൊറോസിസ്' എന്ന രോഗം വരാനുള്ള സാധ്യതയെ നിർണ്ണയിക്കുന്നു. പ്രായമാകുന്തോറും അസ്ഥികള്‍ കൂടുതല്‍ ആരോഗ്യത്തോടെയിരിക്കാനും, ഓസ്റ്റിയോപൊറോസിസ് വരാനുള്ള സാധ്യത കുറയാനും കാത്സ്യം അടങ്ങിയ ഭക്ഷണക്രമം സഹായിക്കുന്നു സഹായിക്കും. അസ്ഥികളുടെ ആരോഗ്യം നിലനിർത്താൻ സഹായിക്കുന്ന, കാല്‍സ്യം ധാരാളമടങ്ങിയ ഭക്ഷണങ്ങളിതാ.
ചിയ സീഡില്‍ കാല്‍സ്യം ധാരാളമായി അടങ്ങിയിട്ടുണ്ട്. കൂടാതെ, ഇവയില്‍ അടങ്ങിയിരിക്കുന്ന പ്രോട്ടീനുകളും അവശ്യ ഫാറ്റി ആസിഡുകളും എല്ലുകളുടെ ആരോഗ്യം മെച്ചപ്പെടുത്തുന്നു. ചിയ സീഡില്‍ കാണപ്പെടുന്ന 'ബോറോണ്‍' എന്ന ധാതു, എല്ലുകളുടെ വളർച്ചയെ സഹായിക്കുന്നു. ശരീരത്തിലെ ഫോസ്ഫറസ്, മഗ്നീഷ്യം, കാല്‍സ്യം എന്നിവയുടെ മെറ്റബോളിസത്തെ ക്രമീകരിക്കുന്നതിനും ഇത് സഹായിക്കുന്നു.
ബദാമില്‍ കാല്‍സ്യം, ഫാറ്റി ആസിഡുകള്‍, വിറ്റാമിൻ ഇ, ആന്റിഓക്‌സിഡന്റുകള്‍, പ്രോട്ടീനുകള്‍ എന്നിവ ധാരാളമായി അടങ്ങിയിട്ടുണ്ട്. ഇവ എല്ലുകളുടെ വളർച്ചയ്ക്കും, ഹൃദയാരോഗ്യം നിലനിർത്തുന്നതിനും സഹായിക്കുന്നു. ഒരു കപ്പ് മുഴുവൻ ബദാമില്‍, ദിവസവും ആവശ്യമായ കാല്‍സ്യത്തിന്റെ മൂന്നിലൊന്ന് ഭാഗത്തിലധികം (ഏകദേശം 385 മില്ലിഗ്രാം) അടങ്ങിയിട്ടുണ്ട്. എന്നാല്‍, കൊഴുപ്പും കലോറിയും കൂടുതലായതിനാല്‍ ബദാം കുറഞ്ഞ അളവില്‍ മാത്രമേ കഴിക്കാവൂ.
എല്ലുകളുടെയും പല്ലുകളുടെയും ബലത്തിന് അടിസ്ഥാനമായ കാല്‍സ്യം ധാരാളമായി അടങ്ങിയ ഒന്നാണ് തൈര്. പ്രായമാകുന്തോറും അസ്ഥികളുടെ സാന്ദ്രത നിലനിർത്താൻ ഇത് സഹായിക്കുന്നു. അതുവഴി ഓസ്റ്റിയോപൊറോസിസ്, അസ്ഥി ഒടിയല്‍ തുടങ്ങിയ അവസ്ഥകള്‍ക്കുള്ള സാധ്യത കുറയുന്നു.
മുട്ടയില്‍ വിറ്റാമിൻ ഡി ധാരാളമായി അടങ്ങിയിട്ടുള്ളതിനാല്‍ അവ എല്ലുകളെ ശക്തിപ്പെടുത്താൻ സഹായിക്കുന്നു. മുട്ടയുടെ മഞ്ഞക്കരുവിലാണ് വിറ്റാമിൻ ഡി ഉള്ളത്. തൈര് പോലെ തന്നെ, മുട്ടയും പലവിധത്തില്‍ പാകം ചെയ്യാവുന്ന ഒന്നാണ്. അതിനാല്‍, ഇവ ദൈനംദിന ഭക്ഷണക്രമത്തില്‍ ഉള്‍പ്പെടുത്തുന്നത് വളരെ എളുപ്പമാണ്.
കാല്‍സ്യത്തിന്റെയും പ്രോട്ടീനുകളുടെയും മികച്ച ഉറവിടമാണ് ചീസ്. കാല്‍സ്യം ധാരാളമടങ്ങിയ ഭക്ഷണങ്ങളില്‍ ഉള്‍പ്പെടുത്താവുന്ന ഒന്നാണിത്. നിങ്ങളുടെ ഭക്ഷണക്രമത്തില്‍ കൂടുതല്‍ പാലുല്‍പ്പന്നങ്ങള്‍ ഉള്‍പ്പെടുത്താൻ ശ്രമിക്കുക. 331 മില്ലിഗ്രാം കാല്‍സ്യം അടങ്ങിയ 'പാർമെസൻ' ചീസിലാണ് ഏറ്റവും കൂടുതല്‍ കാല്‍സ്യം കാണപ്പെടുന്നത്.
പയർവർഗ്ഗങ്ങളിലും പരിപ്പുവർഗ്ഗങ്ങളിലും നാരുകള്‍ (ഫൈബർ), പ്രോട്ടീൻ, മറ്റ് ധാതുക്കള്‍ എന്നിവ ധാരാളമായി അടങ്ങിയിരിക്കുന്നു. എന്നാല്‍ ഇവയില്‍ ചിലത് കാല്‍സ്യത്തിന്റെ മികച്ച ഉറവിടങ്ങള്‍ കൂടിയാണ്. സോയാബീൻ, പച്ചപ്പയർ, റാഗി തുടങ്ങിയവയില്‍ ആവശ്യത്തിന് കാല്‍സ്യം അടങ്ങിയിട്ടുള്ളതിനാല്‍ എല്ലുകളെ ആരോഗ്യകരമാക്കും.
