തിരുവനന്തപുരം:റോഡ് മുറിച്ചു കടക്കുന്നതിനിടെ വയോധിക സഹോദരിമാർ ബൈക്ക് ഇടിച്ച് മരിച്ചു.
തിരുവനന്തപുരം തിരുവല്ലം ബൈപ്പാസിലാണ് അപകടം.
തിരുവല്ലം ഇടയാർ സ്വദേശിനികളായ ശാന്തമ്മ, വിജയമ്മ എന്നിവരാണ് മരിച്ചത്.
തിരുവല്ലം പാലത്തിന് സമീപം കരിമ്പുവിള ജംഗ്ഷനിലാണ് അപകടം നടന്നത്.
ക്ഷേത്ര ദർശനത്തിന് പോകുന്നതിനായി റോഡ് മുറിച്ചു കടക്കുന്നതിനിടെ ബൈക്കിടിച്ച് വീഴ്ത്തുകയായിരുന്നു.
കോവളത്ത് നിന്നുവന്ന ബൈക്കാണ് ഇരുവരെയും ഇടിച്ചു തെറിപ്പിച്ചത്.
സാരമായി പരിക്കേറ്റ ഇരുവരെയും ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല.
