തിരുവനന്തപുരം: സംസ്ഥാനത്ത് ബാറുകളുടെ ലൈസൻസ് പുതുക്കല്‍ മാത്രമല്ല പുതിയ ബാർ ലൈസൻസുകളും അനുവദിച്ചതായി റിപ്പോർട്ട്.
സർക്കാർ വന്ന ശേഷം സംസ്ഥാനത്ത് പുതിയ ബാർ ലൈസൻസുകളും അനുവദിച്ചു. മദ്യനയം വരും വരെ ലൈസൻസില്ലെന്നായിരുന്നു എക്സൈസ് മന്ത്രിയുടെ വാദം.
നെടുമ്പാശേരി വിമാനത്താവളത്തിലെ ഡൊമസ്റ്റിക് ലോഞ്ചിലാണ് രണ്ട് ബാറുകള്‍ക്ക് അനുമതി നല്‍കിയത്. ട്രാവല്‍ ഫുഡ് സർവീസസ് ലിമിറ്റഡ് കമ്പനിക്ക് അനുവദിച്ചത് രണ്ട് ബാർ ലൈസൻസുകള്‍ ആണ്.
വിമാനത്താവളത്തിലെ ലോഞ്ച് ബാറിനുള്ള FL 7 ലൈസൻസ് ആണ് അനുവദിച്ചത്. 2026 ജൂണ്‍ 22 നാണ് ലൈസൻസ് അനുവദിച്ചത്.
എക്സൈസ് കമ്മീഷണർ സാംബശിവ റാവുവാണ് ഉത്തരവ് ഇറക്കിയത്. ഓരോ മിനുട്ട് ഇടവേളയിലായിരുന്നു രണ്ട് ലൈസൻസുകളും അനുവദിച്ചത്. എന്നാല്‍ ലൈസൻസ് നല്‍കിയ വിവരം നാല് മാസം കഴിഞ്ഞിട്ടും മന്ത്രി അറിഞ്ഞില്ലെന്നാണ് വിവരം.
