വാഷിംഗ്ടണ്: ചന്ദ്രനെ വലംവെച്ച് ചരിത്രം കുറിച്ച നാസയുടെ ആർട്ടെമിസ് 2 (Artemis II) ദൗത്യത്തിലെ മുഖ്യ ബഹിരാകാശ സഞ്ചാരികള് സജീവ ദൗത്യങ്ങളില് നിന്ന് പടിയിറങ്ങി.
ദൗത്യത്തിന്റെ കമാൻഡർ റീഡ് വൈസ്മാൻ, പൈലറ്റ് വിക്ടർ ഗ്ലോവർ എന്നിവരാണ് നാസയുടെ സജീവ ബഹിരാകാശ പ്രവർത്തനങ്ങളില് നിന്നും വിരമിച്ചത്.
ഇനിമുതല് 'ആസ്ട്രനോട്ട് എമരിറ്റസ്' (Astronaut Emeritus) പദവിയിലാകും ഇരുവരും നാസയ്ക്കൊപ്പം പ്രവർത്തിക്കുക. ഭാവിയിലെ ചാന്ദ്ര ദൗത്യങ്ങള്ക്കായി പുതിയ തലമുറയിലെ സഞ്ചാരികളെയും ഉദ്യോഗസ്ഥരെയും പരിശീലിപ്പിക്കുന്നതിനും മാർഗ്ഗനിർദ്ദേശം നല്കുന്നതിനുമുള്ള ചുമതലയാണ് ഇവർ ഇനി വഹിക്കുക.
നാലംഗ ആർട്ടെമിസ് 2 സംഘത്തില് ഇനി നാസയുടെ സർവീസില് ബാക്കിയുള്ള ഏക അംഗം മിഷൻ സ്പെഷ്യലിസ്റ്റ് ക്രിസ്റ്റീന കോച്ച് മാത്രമാണ്. ഈ ദൗത്യത്തില് കാനഡയെ പ്രതിനിധീകരിച്ച ജെറമി ഹാൻസൻ നേരത്തെ കനേഡിയൻ സ്പേസ് ഏജൻസിയിലെ സജീവ സേവനത്തില് നിന്ന് വിരമിക്കല് പ്രഖ്യാപിച്ചിരുന്നു.
