പത്തനംതിട്ട: ആറന്മുള വിമാനത്താവള പദ്ധതി പ്രദേശത്ത് നടത്തിയ ഡ്രോണ് സര്വേയില് ഭൂവുടമ എബ്രഹാം കലമണ്ണിലിനെതിരെ ഗുരുതര കണ്ടെത്തലുകള്. അനുമതിയില്ലാതെയാണ് ഡ്രോണ് പറത്തി സര്വേ നടത്തിയതെന്നാണ് പ്രാഥമിക കണ്ടെത്തല്. മിച്ചഭൂമിയായി പ്രഖ്യാപിച്ച സ്ഥലത്ത് എബ്രഹാമിന് നിയമപരമായ അവകാശമില്ലെന്നും റവന്യൂ വൃത്തങ്ങള് വ്യക്തമാക്കുന്നു.
സംഭവത്തില് ജില്ലാ കളക്ടര് കോഴഞ്ചേരി തഹസില്ദാരോട് അടിയന്തര റിപ്പോര്ട്ട് തേടിയിട്ടുണ്ട്. റിപ്പോര്ട്ട് ലഭിച്ചശേഷം അനധികൃത നടപടികളുടെ വിശദാംശങ്ങള് ഹൈക്കോടതിയെ അറിയിക്കുമെന്ന് അധികൃതര് അറിയിച്ചു. ആറന്മുള മിച്ചഭൂമി കേസ് ഈ മാസം 16ന് ഹൈക്കോടതി വീണ്ടും പരിഗണിക്കും.
ഇതിനിടെ, വിവാദ പ്രദേശത്ത് വീണ്ടും ഡ്രോണ് സര്വേ നടത്താന് അനുവദിക്കില്ലെന്ന് ജില്ലാ കളക്ടര് വ്യക്തമാക്കി. എബ്രഹാം കലമണ്ണിലിന്റെ സര്വേയ്ക്ക് റവന്യൂ ഉദ്യോഗസ്ഥരുടെ ഒത്താശ ഉണ്ടായെന്ന ആരോപണവും പ്രത്യേകം അന്വേഷിക്കുമെന്നും അധികൃതര് അറിയിച്ചു.
