തിരുവനന്തപുരം: തന്റെ എഐ ഡാൻസ് വീഡിയോ സമൂഹമാദ്ധ്യമങ്ങളില്‍ നിന്ന് നീക്കം ചെയ്ത പൊലീസ് നടപടി അന്യായമാണെന്ന് മുഖ്യമന്ത്രി വി ഡി സതീശൻ.
ഒരു പരിപാടിയില്‍ സംസാരിക്കവേയാണ് മുഖ്യമന്ത്രി ഇക്കാര്യം പരാമർശിച്ചത്.
കെഎസ്‌ഇബിയുടെ യൂണിഫോം ധരിച്ചവരോടൊപ്പമുള്ള മുഖ്യമന്ത്രിയുടെ എഐ വീഡിയോയാണ് നീക്കം ചെയ്തത്. ഇന്ത്യയിലെ നിലവിലെ ഐടി നിയമങ്ങള്‍ക്ക് വിരുദ്ധമാണെന്ന് ചൂണ്ടിക്കാട്ടിയായിരുന്നു നടപടി. മറ്റ് രാജ്യങ്ങളില്‍ വീഡിയോ കാണാൻ സാധിക്കും.
'തൃശൂരില്‍ നിന്നുള്ള രണ്ട് പിള്ളേരാണ് എഐ ഉപയോഗിച്ച്‌ എന്റെ ഡാൻസ് വീഡിയോ നിർമിച്ചത്. തമിഴ്‌ നടൻ വിജയ്‌യെ പോലെയാണ് ഞാനതില്‍ നൃത്തം ചെയ്തത്.
വളരെ മനോഹരമായ വീഡിയോ ആയിരുന്നു അത്. നല്ല വീഡിയോ ആണെന്നും വിജയ്‌യേക്കാള്‍ അടിപൊളിയായി ഞാൻ ഡാൻസ് ചെയ്തുവെന്നും ഒരുപാട് ചെറുപ്പക്കാർ എന്നോട് പറ‌ഞ്ഞു.
