കോട്ടയം: യുവാക്കളെ ആകർഷിക്കാൻ പുതിയ പാർട്ടി രൂപീകരിക്കുമെന്ന എൻ. സി. പി. വിമത നേതാവ് എ.കെ. ശശീന്ദ്രൻ്റെ പ്രസ്താവന 2026 ലെ ഏറ്റവും വലിയ തമാശയാണെന്ന് എൻ സി പി ( എസ് പി) സംസ്ഥാന വർക്കിംഗ് പ്രസിഡൻ്റ് അഡ്വ. കെ. ആർ. രാജൻ പറഞ്ഞു.
നിയമ സഭയിലേക്ക് 9 തവണ മത്സരിക്കുകയും 10 വർഷം മന്ത്രിയാവുകയും ചെയ്ത എ.കെ. ശശീന്ദ്രൻ, പാർട്ടി ഒന്നടങ്കം ആവശ്യപ്പെട്ടിട്ടും കഴിഞ്ഞ നിയമ സഭാ തെരഞ്ഞെടുപ്പിൽ യുവാക്കൾക്കായി വഴിമാറിയില്ലെന്നത് ജനങ്ങൾ മറന്നിട്ടില്ല.
എ. കെ. ശശീന്ദ്രൻ്റെ പിടിവാശി മൂലം നൂറു ശതമാനം വിജയ സാധ്യത ഉണ്ടായിരുന്ന എൽഡിഎഫ് സീറ്റായ ഇലത്തൂരിൽ വൻ പരാജയം ഏറ്റുവാങ്ങിയതും മറന്നുപോകരുത്.
കടന്നപ്പള്ളിയും എ. കെ. ശശീന്ദ്രനും ചേർന്നു രൂപീകരിക്കുന്ന പുതിയ പാർട്ടിയെ കേരളത്തിലെ ജനങ്ങൾ പ്രത്യേകിച്ച് യുവജനങ്ങൾ അവ ഞ്ജയോടെ തള്ളിക്കളയുമെന്നും അഡ്വ കെ ആർ . രാജൻ പറഞ്ഞു.
യഥാർത്ഥ എൻ.സി.പി ക്കാർക്ക് ശരദ് പവാറും പി.സി ചാക്കോയും, സുരേഷ് ബാബുവും നയിക്കുന്ന എൽ.ഡി. എഫ് ലെ ഘടക കക്ഷിയായ എൻ.സി പി (എസ് പി) യിലേക്ക് തിരിച്ചു വരാമെന്നും അവരെ സന്തോഷ പൂർവ്വം സ്വാഗതം ചെയ്യുമെന്നും അഡ്വ.കെ. ആർ. രാജൻ പറഞ്ഞു.
