കോട്ടയം: മെഡിക്കൽ കോളേജ് ആശുപത്രി മുൻ സൂപ്രണ്ടും കേരളത്തിലെ പ്രമുഖ ഹൃദയ ശാസ്ത്രക്രിയ വിദഗ്ധനുമായ ഡോ. ടി കെ ജയകുമാറിന് എറണാകുളം ലിസി ആശുപത്രിയിൽ നടത്തിയ ബൈപ്പാസ് ശസ്ത്രക്രിയ വിജയകരം.
ഇന്നലെ രാവിലെ നെഞ്ച് വേദന അനുഭവപ്പെട്ടതിനെ തുടർന്ന് മെഡിക്കൽ കോളേജിലെത്തി നടത്തിയ പരിശോധനയിൽ ഹൃദയത്തിലേക്കുള്ള രക്തക്കുഴലിൽ ബ്ലോക്ക് കണ്ടെത്തുകയായിരുന്നു.
തുടർന്ന് അടിയന്തിര ബൈപ്പാസ് ശസ്ത്രക്രിയ വേണമെന്ന് ഡോക്ടർമാരുടെ സംഘം തീരുമാനമെടുക്കുകയായിരുന്നു
ലിസി ആശുപത്രിയിലെ ഹൃദ്രോഗ വിഭാഗം മേധാവി ഡോ. ജോസ് ചാക്കോ പെരിയപ്പുറത്തിൻ്റെ നേതൃത്വത്തിലുള്ള വിദഗ്ധ ഡോക്ടർമാരുടെ സംഘമാണ് ഡോ. ടി കെ ജയകുമാറിന് ബൈപ്പാസ് ശസ്ത്രക്രിയ നടത്തിയത്.
എറണാകുളം ലിസി ആശുപത്രിയിലെത്തി വിദഗ്ധ ഡോക്ടർമാരുടെ സംഘത്തെ സന്ദർശിച്ച ശേഷം ശസ്ത്രക്രീയ വിജയകരമെന്നും ഡോ. ടി കെ ജയകുമാർ സുഖം പ്രാപിച്ച് ഉടൻ തിരിച്ചുവരുമെന്നും മുൻ മുൻ മന്ത്രി വി എൻ വാസവൻ പറഞ്ഞു.
