ആലപ്പുഴ:മാരാരിക്കുളത്തിന് സമീപം സ്വകാര്യബസ് നിയന്ത്രണം വിട്ട് മറിഞ്ഞ് 14 പേർക്ക് പരിക്ക്.
ഇന്ന് പുലർച്ചെ അഞ്ചിനാണ് കർണാടക രജിസ്ട്രേഷനിലുള്ള ബസ് അപകടത്തിൽപെട്ടത്.
തിരുവനന്തപുരത്തുനിന്നും മൂകാംബികയിലേക്ക് യാത്ര തിരിച്ച ബസാണ് മറിഞ്ഞത്. പരിക്കേറ്റവരിൽ ഒരാളുടെ നില ഗുരുതരമാണ്.
ഇയാളെ സമീപത്തെ ആശുപത്രിയിൽ പ്രവേശിപ്പിച്ചു.
ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പൊലിസിന്‍റെ പ്രാഥമിക നിഗമനം.
അപകടത്തെ തുടർന്ന് നാട്ടുകാരും പൊലിസും ചേർന്നാണ് രക്ഷാപ്രവർത്തനം നടത്തി പരിക്കേറ്റവരെ ആശുപത്രിയിൽ എത്തിച്ചത്.
