തിരുവനന്തപുരം: ഓപ്പറേഷൻ തൂഫാൻ നോഡല് ഓഫീസർ ആയിരുന്ന ഐജി പുട്ട വിമലാദിത്യ അവധിയില് പോയതില് ദുരൂഹത.
മുഖ്യമന്ത്രി വി.ഡി.സതീശനുമായി അടുപ്പമുള്ള യൂത്ത് കോണ്ഗ്രസ് നേതാക്കളെ എംഡിഎംഎ കേസില് പിടികൂടിയതിനു പിന്നാലെയാണ് അവധിയില് പ്രവേശിച്ചത്.
ഓപ്പറേഷൻ തൂഫാന്റെ ഭാഗമായാണ് കോണ്ഗ്രസ് നേതാക്കളെ പൊക്കിയത്. ഇത് വലിയ വിവാദമായിരുന്നു. പ്രതികള്ക്ക് മുഖ്യമന്ത്രി വി.ഡി.സതീശനുമായി അടുത്ത ബന്ധമുള്ള ദൃശ്യങ്ങളും ചിത്രങ്ങളും പുറത്തുവന്നതാണ്. മുഖ്യമന്ത്രി പ്രതിരോധത്തിലായതിനു പിന്നാലെയാണ് ഓപ്പറേഷൻ തൂഫാൻ നോഡല് ഓഫീസർ അവധിയില് പ്രവേശിച്ചത്.
ആർ.നിശാന്തിനിക്കാണ് പുതിയ ചുമതല. പുട്ട വിമലാദിത്യ സ്വയം അവധിയില് പ്രവേശിച്ചെന്നാണ് വിവരം. കാരണം വ്യക്തമല്ല. മുഖ്യമന്ത്രിയുമായി അടുപ്പമുള്ളവരെ പൂട്ടിയതില് സർക്കാരിന് എതിർപ്പുണ്ടോ എന്ന ചോദ്യം ഉയർന്നിട്ടുണ്ട്.
