പാമ്പാടി : പാമ്പാടി ടൗണിൽ ഇന്ദിരാഗാന്ധി സ്മാരകം കാർ ഇടിച്ച് തകർന്നു. ഇന്ന് രാവിലെ 6 മണിയോടെയാണ് സംഭവം നടന്നത്. ഇന്ദിരാഗാന്ധിയുടെ വധത്തിനെ തുടർന്ന് പാമ്പാടി ടൗണിൽ 1984 നവംബറിൽ സ്ഥാപിച്ച സ്മാരകമാണ് തകർന്നത്.
ഇന്ന് രാവിലെ 6 മണിയോട് കൂടി അയർക്കുന്നം സ്വദേശി ജോസഫ് എന്നയാൾ ഓടിച്ച ഇന്നോവ കാർ നിയന്ത്രണം വിട്ട് സ്മാരകത്തിൽ ഇടിച്ച് കയറുകയായിരുന്നു. കോട്ടയം ഭാഗത്ത് നിന്ന് പാമ്പാടി ഭാഗത്തേക്ക് വരുന്നതിനിടെയാണ് കാർ നിയന്ത്രണം വിട്ട് സ്മാരകത്തിലേക്ക് ഇടിച്ചു കയറിയത്.
അപകടത്തിൽ സ്മാരകം മറിഞ്ഞ് റോഡിലേക്ക് വീണു. സംഭവത്തെ തുടർന്ന് മണ്ഡലം പ്രസിഡൻ്റ് ഗോപകുമാർ ഉൾപ്പടെ ഉള്ളവർ സ്ഥലത്തെത്തി.
അതേസമയം ഈ സ്മാരകം പാമ്പാടി ടൗണിലെ ഗതാഗതക്കുരിക്കിന് പ്രധാന കാരണമാണെന്ന് വലിയ രീതിയിൽ ആക്ഷേപം ഉയർന്നിരുന്നു. അതിനാൽ തന്നെ ഇത് വീണ്ടും പുന:സ്ഥാപിക്കണമെങ്കിൽ നിരവധി നിയമക്കുരുക്കുകൾ ഉണ്ടാകുമെന്നാണ് നിയമ വിദഗ്ദർ ചൂണ്ടിക്കാട്ടുന്നത്.
