ഡല്ഹി: തെക്കുകിഴക്കന് ഡല്ഹിയിലെ ജസോലയില് തുറന്നു കിടന്ന ഓടയില് വീണ് കാണാതായ പതിനഞ്ചുകാരന് മിഥുനായുള്ള തിരച്ചില് മൂന്നാം ദിവസവും തുടരുന്നു.
മാതാപിതാക്കളുടെ പരാതിയെ തുടര്ന്ന് ഡല്ഹി ഫയര് സര്വീസും ദേശീയ ദുരന്തനിവാരണ സേനയും മുങ്ങല് വിദഗ്ധരും ചേര്ന്ന് തിരച്ചില് ഊര്ജ്ജിതമാക്കിയെങ്കിലും ഇതുവരെ കുട്ടിയെ കണ്ടെത്താനായിട്ടില്ല. കാറ്റാടി പറത്തുന്നതിനിടെ ശനിയാഴ്ച രാവിലെ പതിനൊന്നോടെയാണ് എട്ടാം ക്ലാസ് വിദ്യാര്ത്ഥിയായ മിഥുന് അപകടത്തില്പ്പെട്ടത്.
സംഭവത്തില് ഡല്ഹി മുഖ്യമന്ത്രി രേഖ ഗുപ്ത കടുത്ത അമര്ഷവും ദുഃഖവും രേഖപ്പെടുത്തി. കൃത്യവിലോപം കാണിച്ച ഉദ്യോഗസ്ഥര്ക്കെതിരെ നടപടിയെടുക്കാന് ചീഫ് സെക്രട്ടറിക്ക് നല്കിയ നിര്ദ്ദേശത്തിന് പിന്നാലെ, ഡല്ഹി മുനിസിപ്പല് കോര്പ്പറേഷന് സൗത്ത് ഈസ്റ്റ് സോണിലെ ജൂനിയര് എന്ജിനീയറെ ഉടനടി സസ്പെന്ഡ് ചെയ്തു.
ഇയാള്ക്കെതിരെ വകുപ്പുതല അച്ചടക്ക നടപടികളും ആരംഭിച്ചിട്ടുണ്ട്. ഉത്തര്പ്രദേശ് സ്വദേശികളായ നിര്മ്മാണത്തൊഴിലാളികളുടെ മകനാണ് കാണാതായ മിഥുന്.
