രക്തത്തിലെ പഞ്ചസാരയുടെ അളവ് ആരോഗ്യകരമായ നിലയില്‍ നിലനിർത്തുന്നത് മൊത്തത്തിലുള്ള ആരോഗ്യത്തിനും രോഗപ്രതിരോധത്തിനും അത്യന്താപേക്ഷിതമാണ്.
രക്തത്തിലെ പഞ്ചസാരയുടെ അളവ് ആരോഗ്യകരമായ നിലയില്‍ നിലനിർത്തുന്നത് മൊത്തത്തിലുള്ള ആരോഗ്യത്തിനും രോഗപ്രതിരോധത്തിനും അത്യന്താപേക്ഷിതമാണ്. പ്രോട്ടീൻ, നാരുകള്‍ എന്നിവ ധാരാളമടങ്ങിയ ഭക്ഷണങ്ങള്‍ രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. ബ്ലഡ് ഷുഗർ അളവ് നിയന്ത്രിച്ച്‌ നിർത്താൻ കഴിക്കേണ്ട ഭക്ഷണങ്ങളെ കുറിച്ചാണ് ഇനി പറയുന്നത്.
അവോക്കാഡോയില്‍ നാരുകള്‍ ധാരാളമായി അടങ്ങിയിട്ടുണ്ട് . 201 ഗ്രാം ഭാരമുള്ള ഒരു അവോക്കാഡോയില്‍ 13.5 ഗ്രാം നാരുകള്‍ അടങ്ങിയിരിക്കുന്നു. കൂടാതെ, ഇവയില്‍ കാർബോഹൈഡ്രേറ്റിന്റെ അളവ് കുറവായതിനാല്‍ രക്തത്തിലെ പഞ്ചസാരയുടെ അളവ് നിയന്ത്രിക്കാൻ മികച്ചൊരു പഴമാണ്.
പ്രമേഹ ചികിത്സയ്ക്ക് ഏറ്റവും ഫലപ്രദമാണ് ഞാവല്‍പ്പഴത്തിന്റെ കുരു. ഞാവല്‍ക്കുരുവില്‍ ജാംബൊലൈൻ, ജാമബൊസൈൻ എന്നീ സംയുക്തങ്ങള്‍ ധാരാളമായുണ്ട്. ഇവ രക്തത്തിലെ ഗ്ലൂക്കോസിന്റെ പുറന്തള്ളലിന്റെ അളവ് കുറയ്ക്കുന്നു.
രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്ന നാരുകളും മറ്റ് പോഷകങ്ങളും ചിയ സീഡില്‍ ധാരാളമായി അടങ്ങിയിട്ടുണ്ട്. ഒരു ഔണ്‍സ് ചിയ സീഡില്‍ 9.75 ഗ്രാം നാരുകള്‍ അടങ്ങിയിരിക്കുന്നു. ചിയ സീഡ് കഴിക്കുന്നത് ബീറ്റാ കോശങ്ങളുടെ പ്രവർത്തനം മെച്ചപ്പെടുത്തിയേക്കാം.
പ്രമേഹരോഗികള്‍ക്കും രക്തത്തിലെ പഞ്ചസാരയുടെ അളവ് നിയന്ത്രിക്കാൻ വെളുത്തുള്ളി സഹായിക്കും. ഫാസ്റ്റിങ്ങിലെ രക്തത്തിലെ പഞ്ചസാരയുടെ അളവും HbA1c അളവും കുറയ്ക്കുന്നതില്‍ വെളുത്തുള്ളി ഫലപ്രദമാണെന്ന് പഠനങ്ങളില്‍ തെളിഞ്ഞിട്ടുണ്ട്.
കാർബോഹൈഡ്രേറ്റ് കൂടുതലുള്ള ഭക്ഷണത്തോടൊപ്പം ചിക്കൻ പോലുള്ള പ്രോട്ടീൻ അടങ്ങിയ ഭക്ഷണങ്ങള്‍ ഉള്‍പ്പെടുത്തുന്നത്, രക്തത്തിലെ പഞ്ചസാരയുടെ അളവില്‍ ആ ഭക്ഷണം ചെലുത്തുന്ന സ്വാധീനം കുറയ്ക്കാൻ സഹായിക്കും. കാർബോഹൈഡ്രേറ്റ് അടങ്ങിയ ഭക്ഷണങ്ങള്‍ കഴിക്കുന്നതിന് മുൻപായി പ്രോട്ടീൻ അടങ്ങിയ ഭക്ഷണങ്ങള്‍ കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ കൂടുതല്‍ നല്ലതാണെന്ന് ചില പഠനങ്ങള്‍ സൂചിപ്പിക്കുന്നു.
ഊർജം വർധിപ്പിക്കാനും രക്തത്തിലെ പഞ്ചസാരയുടെ അളവ് നിയന്ത്രിക്കാനും മുരിങ്ങയില സഹായിക്കും. മുരിങ്ങയിലയിലെ ധാതുക്കള്‍ ഇൻസുലിൻ ഉല്‍പാദനം കൂട്ടാൻ സഹായിക്കും. ധാരാളം ആന്റിഓക്സിഡന്റുകള്‍ അടങ്ങിയ മുരിങ്ങിയിലയ്ക്ക് ആന്റി ഇൻഫ്ലമേറ്ററി ഗുണങ്ങളും ഉണ്ട്.
നട്‌സുകളിലും വിത്തുകളിലും സസ്യ അധിഷ്ഠിത പ്രോട്ടീൻ, നാരുകള്‍ (ഫൈബർ), മഗ്നീഷ്യം, സിങ്ക് തുടങ്ങിയ ധാതുക്കള്‍ എന്നിവ അടങ്ങിയിട്ടുണ്ട്. ഇവയെല്ലാം രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ആവശ്യമാണ്.
