.ചെന്നൈ: ഗ്രാനൈറ്റ് വ്യവസായിയും പോക്സോ കേസ് പ്രതിയുമായ ആർ. വീരമണിയുടെ വീട്ടുപരിസരത്ത് കുട്ടികളെ കൊലപ്പെടുത്തി കുഴിച്ചിട്ടിട്ടുണ്ടെന്ന വെളിപ്പെടുത്തലുമായി ഇയാളുടെ ഡ്രൈവർ.
പീഡനത്തിനിരയായ കുട്ടികളെ വീരമണിയുടെ മുന്നിലെത്തിച്ചതില്‍ പ്രധാന പങ്കുവഹിച്ചയാളാണ് ഡ്രൈവർ. വീരമണിയുടെ വീട് പീഡനത്തിനിരയായ കുട്ടികളുടെ ശ്മശാനമാണെന്നായിരുന്നു ഇയാളുടെ മൊഴി. ഇതിന്റെ അടിസ്ഥാനത്തില്‍ പൊലീസ് വീട്ടുപരിസരത്ത് പരിശോധന നടത്തിയെങ്കിലും മൃതദേഹാവശിഷ്ടങ്ങളൊന്നും കണ്ടെത്താനായില്ല.
പരിശോധന ഇന്നും തുടരുമെന്നാണ് വിവരം. അതേസമയം, കേസുമായി ബന്ധപ്പെട്ട് സമർപ്പിച്ച കുറ്റപത്രത്തില്‍ പേരുള്ള മൂന്ന് പൊലീസുകാരെ സർക്കാർ കാത്തിരിപ്പുപട്ടികയിലേക്ക് മാറ്റി. വീരമണിക്ക് വഴിവിട്ട സഹായം നല്‍കിയെന്ന ആരോപണമാണ് ഇവർക്കെതിരെയുള്ളത്. കേസന്വേഷിക്കുന്ന പ്രത്യേക അന്വേഷണസംഘം 720 പേജുകളുള്ള കുറ്റപത്രമാണ് ചെന്നൈ പോക്സോ കോടതിയില്‍ സമർപ്പിച്ചത്.
ഡ്രൈവറുടെ മൊഴിയുടെ അടിസ്ഥാനത്തില്‍ വീട്ടുപരിസരത്ത് നടത്തിയ പരിശോധനയില്‍ നിലവില്‍ ഒന്നും കണ്ടെത്താനായിട്ടില്ലെങ്കിലും അന്വേഷണം തുടരുകയാണ്. കുട്ടികളെ എത്തിച്ചതുമായി ബന്ധപ്പെട്ട് ഡ്രൈവറുടെ പങ്കും പൊലീസുകാരെതിരായ ആരോപണങ്ങളും കേസില്‍ നിർണായകമാകുമെന്നാണ് വിലയിരുത്തല്‍.
