കോട്ടയം: മീനടം, പാമ്പാടി പഞ്ചായത്തുകള് ഉപ തെരഞ്ഞെടുപ്പു ചൂടിലേക്ക്. പാമ്പാടി പഞ്ചായത്തിലെ 10-ാം വാര്ഡ് കുമ്പന്താനത്തും മീനടം പഞ്ചായത്തിലെ ഒന്നാം വാര്ഡ് ചീരംകുളത്തുമാണ് ഉപതിരഞ്ഞെടുപ്പ് നടക്കുന്നത്.
ഈ മാസം 28നാണ് വോട്ടെടുപ്പ്.
പാമ്പാടി പഞ്ചായത്തിലെ കുമ്പന്താനം വാര്ഡില് ബാബു മാത്യു ഡാണാവുങ്കലിന്റെയും മീനടം പഞ്ചായത്തിലെ ചീടംകുളം വാര്ഡില് പ്രസാദ് നാരായണന്റെയും വിയോഗത്തെ തുടര്ന്നാണ് ഉപതെരഞ്ഞെടുപ്പിനു കളമൊരുങ്ങിയത്. സത്യപ്രതിജ്ഞ ചെയ്യേണ്ടിയിരുന്ന ദിവസമാണ് പ്രസാദ് നാരായണന് മരിച്ചത്. അര്ബുദ രോഗത്തെ തുടര്ന്ന് ചികിത്സയിലിരിക്കെയാണു ബാബു മാത്യുവിന്റെ മരണം.
വൈകിയാണു സത്യപ്രതിഞ്ജ ചെയ്തതും. ഇരു വാര്ഡുകളിലേക്കുമുള്ള ഉപതെരഞ്ഞെടുപ്പ് പ്രഖ്യാപിച്ചതോടെ മൂന്ന് മുന്നണികളുടെയും സ്ഥാനാര്ഥി നിര്ണയം പൂര്ത്തിയായി. സ്ഥാനാര്ഥികള് വീടുകയറിയുള്ള പ്രചാരണവും സജീവമാക്കിയിട്ടുണ്ട്. ഇരു പഞ്ചായത്തുകളും യു.ഡി.എഫാണു ഭരിക്കുന്നത്. ഉപതിരഞ്ഞെടുപ്പില് ഏതു മുന്നണി വിജയിച്ചാലും നിലവിലെ പഞ്ചായത്ത് ഭരണത്തെ അതു ബാധിക്കില്ല.
പാമ്പാടി പഞ്ചായത്തിലെ കുമ്പന്താനം വാര്ഡില് അന്തരിച്ച ബാബു മാത്യുവിന്റെ ഭാര്യ ഡെയ്സി ബാബു ഡാണാവുങ്കലാണു യു.ഡി.എഫ് സ്ഥാനാര്ഥി. മുന് സിപിഎം ബ്രാഞ്ച് സെക്രട്ടറി സണ്ണി വര്ഗീസ് പൂതക്കുഴിയില് എല്ഡിഎഫിനായി മത്സരിക്കുന്നു. ബിജെപി പുതുപ്പള്ളി നിയോജകമണ്ഡലം പ്രസിഡന്റ് ടിന്റു മനോജാണ് ബിജെപി സ്ഥാനാര്ഥി
മീനടം പഞ്ചായത്തിലെ ചീരം കുളം വാര്ഡില് അന്തരിച്ച പ്രസാദ് നാരായണന്റെ ഭാര്യ പ്രീത പ്രസാദാണു യു.ഡി.എഫ് സ്ഥാനാര്ഥി. സിപിഎം ബ്രാഞ്ച് കമ്മിറ്റി അംഗം ചന്ദ്ര നാരായണനെയാണ് എല്.ഡി.എഫ് മത്സരരംഗത്തിറക്കിയിരിക്കുന്നത്. യുവമോര്ച്ച നേതാവ് ഗൗരി ശങ്കറാണ് ബിജെപി സ്ഥാനാര്ഥി. ബിജെപി പുതുപ്പള്ളി മണ്ഡലം കമ്മിറ്റി സെക്രട്ടറി സി.കെ. മുരളീധരന് ചിറപ്പറമ്പിലിന്റെ മകനാണ് ഗൗരി ശങ്കര്.
