ആലപ്പുഴ: ബാനറില് കെ സി വേണുഗോപാല് എംപിയുടെ ഫോട്ടോയ്ക്ക് വലുപ്പം കൂടിയതില് വിമർശനവുമായി അമ്പലപ്പുഴ എംഎല്എ ജി സുധാകരൻ.
ഉദ്ഘാടകനായ തന്റെ ഫോട്ടോ ചെറുതായി വെച്ചുവെന്നും പങ്കെടുക്കാത്തവരുടെ വലിയ ഫോട്ടോ എന്തിനെന്നുമാണ് വിമർശനം.
സംസ്ഥാനം നടത്തുന്ന പരിപാടികളില് എംഎല്എയ്ക്കാണ് പ്രാധാന്യമെന്നും ജി സുധാകരൻ പറഞ്ഞു. കേരളോത്സവം ഉദ്ഘാടന പരിപാടിയിലാണ് വിമർശനം ഉന്നയിച്ചത്. ബാനർ കണ്ടിട്ടല്ല ആരും വോട്ട് ചെയ്തത്. ചില ബാനറുകള് കണ്ടാല് വോട്ട് കുറയും. ഇങ്ങനെ ബാനർ എഴുതാൻ പാടില്ല. പരിപാടിയില് പങ്കെടുക്കുന്നത് താനാണ് പിന്നെ പങ്കെടുക്കാത്തവരുടെ തല എന്തിനാണ് മുകളില്. ഇത്തരത്തില് ബാനറുകള് എഴുതുന്നത് ശരിയായ കാര്യമല്ലെന്നും ജി സുധാകരൻ വേദിയില് പറഞ്ഞു.
അതേസമയം, കേന്ദ്രമന്ത്രി സുരേഷ് ഗോപിക്കെതിരെയും ജി സുധാകരൻ വിമർശനം ഉന്നയിച്ചു. എംഎല്എമാരെ അറിയിക്കാതെ ആലപ്പുഴ ബീച്ച് സന്ദർശിക്കാൻ എങ്ങനെ ധൈര്യം വന്നു എന്നാണ് ജി സുധാകരന്റെ ചോദ്യം. കേന്ദ്ര ടൂറിസം പദ്ധതിയുടെ നിർമാണ അവലോകനത്തിനാണ് കഴിഞ്ഞ ദിവസം സുരേഷ് ഗോപി ആലപ്പുഴയില് എത്തിയത്.






