തിരുവനന്തപുരം: ശ്രീകാര്യത്ത് ഭര്തൃവീട്ടില് കാവ്യ എന്ന യുവതി ജീവനൊടുക്കിയതില്, ഭര്ത്താവിനും മാതാവിനും എതിരെ ആരോപണവുമായി കുടുംബം.
ഭര്തൃ മാതാവ് ജാതി പറഞ്ഞ് പീഡിപ്പിച്ചെന്ന് കാവ്യയുടെ മാതാവ് പറഞ്ഞു. മകള്ക്ക് ഭക്ഷണം പോലും നല്കിയിരുന്നില്ല. ദേഹത്ത് പൊള്ളല് ഏല്പ്പിച്ചിട്ടുണ്ടന്നും മാതാവ് പറഞ്ഞു.
ആഹാരം കഴിക്കുന്ന കാര്യത്തിലും തടപ്പെടുത്തിയിരുന്നു. ഒരു ദിവസം കൊടുത്തല് പിന്നെ രണ്ടാഴ്ച കഴിഞ്ഞിട്ടൊക്കെയേ അവള്ക്ക് ആഹാരം കൊടുക്കുകയുള്ളു. വീട്ടിലെ ജോലി മുഴുവന് ചെയ്യണം. പക്ഷേ ആഹാരം നല്കിയില്ല. എത്രയോ നാള് കൊച്ച് പട്ടിണി കിടന്നു. അവിടെക്കിടന്ന് പാടുപെട്ടാണ് കുഞ്ഞ് മരിച്ചത്. ഞങ്ങള്ക്ക് ഒന്നും അറിയില്ലായിരുന്നു. നിന്നെ അടിച്ച് കൊന്നാലും ചോദിക്കാന് ആരും വരില്ല എന്ന് അവളോട് പറയുമായിരുന്നു. അവളുടെ ശരീരത്തില് പൊള്ളലേല്പ്പിച്ചു. ജോലിക്ക് പോകണ്ടെന്ന് പറഞ്ഞാണ് പൊള്ളിച്ചതെന്ന് അമ്മ പറയുന്നു.
കഴിഞ്ഞ ഞായറാഴ്ചയാണ് കാവ്യ (30) ആത്മഹത്യ ചെയ്തത്. ഭര്ത്താവ് വിഷ്ണുവിന്റെ വീട്ടിലെ കിടപ്പ് മുറിയില് ജനല്പ്പാളിയില് തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് കുടുംബം വലിയ ആരോപണവുമായി രംഗത്തെത്തിയിരുന്നു. മലയിന്കീഴ് പൊലീസില് പരാതി നല്കുകയും ചെയ്തു. ഭര്തൃമാതാവ് കാവ്യയെ മര്ദിച്ചിരുന്നുവെന്നാണ് ആരോപണം.
വിളവൂര്ക്കലിലെ വീടിനായി 27 ലക്ഷത്തോളം രൂപ രണ്ട് തവണയായി കാവ്യയുടെ ബന്ധുക്കള് ഏല്പ്പിച്ചിരുന്നെങ്കിലും വീട്ടില് യാതൊരു അവകാശവും നല്കിയിരുന്നില്ല. കഴിഞ്ഞ ദിവസം ഇറച്ചിക്കറിയെടുത്തത് കൂടിപ്പോയെന്ന കാര്യം പറഞ്ഞും വഴക്കുണ്ടായതായി കാവ്യ അമ്മയെ വിളിച്ചു പറഞ്ഞിരുന്നതായി ബന്ധുക്കള് ആരോപിക്കുന്നു.
