മലപ്പുറം : ഒരാഴ്ച മുമ്പ് കാണാതായ യൂട്യൂബര് ദില്ഷാദിനെ കണ്ടെത്തി. മേഘാലയയില് നിന്നാണ് ദിൽഷാദിനെകണ്ടെത്തിയത്. ബൈക്ക് അപകടത്തില് പെട്ട് മേഘാലയയിലെ ആശുപത്രിയില് ചികിത്സയിലാണ് ദില്ഷാദ്.
'യാത്ര ടുഡേ' എന്ന യൂട്യൂബ് ചാനലിന്റെ ഉടമയാണിയാള്. മലപ്പുറം ചെലേമ്പ്ര സ്വദേശിയായ ദില്ഷാദ് ഈ മാസം ആറിനാണ് വീട്ടില് നിന്നും യാത്ര പോയത്.
തുടർന്ന് 22ആം തീയതി വരെ സോഷ്യല് മീഡിയയില് സജീവമായിരുന്നു. പിന്നീട് ബന്ധപ്പെടാന് സാധിക്കാതെ വന്നതോടെ കുടുംബം പൊലീസില് പരാതി നല്കുകയായിരുന്നു. പോലീസ് നടത്തിയ അന്വേഷണത്തിലാണ് മേഘാലയയിൽ പരിക്കേറ്റ് ചികിത്സയിലാണെന്ന് കണ്ടെത്തിയത്.
