ആലപ്പുഴ : ആലപ്പുഴ പുന്നമടയിൽ സ്പായിലെ ജീവനക്കാരി ഹൗസ്ബോട്ടിൽ നിന്ന് കായലിൽ വീണ് മരിച്ചു. തമിഴ്നാട് രാജപാളയം സ്വദേശി 34കാരിയായ ശരണ്യയാണ് മരിച്ചത്. ഇന്നലെ രാത്രി 12:00 ഓടെയായിരുന്നു സംഭവം. പുന്നമട ബട്ടർഫ്ലൈ സ്പായിലെ ജീവനക്കാരിയായിരുന്നു ശരണ്യ. സംഭവത്തില് സ്വഭാവിക മരണത്തിന് ആലപ്പുഴ നോർത്ത് പൊലീസ് കേസെടുത്തു.
സംഭവ സമയത്ത് ബോട്ടിൽ ഉണ്ടായിരുന്ന അഞ്ച് തമിഴ്നാട് സ്വദേശികളെ പൊലീസ് ചോദ്യം ചെയ്യുകയാണ്. ഹൗസ് ബോട്ടില് സ്പാ സേവനം നല്കുന്നതിനായാണ് ശരണ്യയും അസം സ്വദേശിനിയായ മറ്റൊരു യുവതിയും ആലപ്പുഴയിലെത്തിയത്.
ഇരുവരും രാത്രി ഹൗസ് ബോട്ടിലുണ്ടായിരിക്കെയാണ് ശരണ്യ വെള്ളത്തില് വീണത്. ഉടന് തന്നെ ബോട്ടിലുണ്ടായിരുന്നവര് രക്ഷാപ്രവര്ത്തനം നടത്തിയെങ്കിലും രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനായി ആലപ്പുഴ മെഡിക്കല് കോളജ് ആശുപത്രിയിലേക്ക് മാറ്റി.
