ഇടുക്കി: സംസ്ഥാനത്ത് വീണ്ടും കാട്ടാന ആക്രമണത്തില് അതിഥി തൊഴിലാളിക്ക് ദാരുണാന്ത്യം.
ഇടുക്കി ശാന്തൻപാറയ്ക്ക് സമീപം പേത്തോട്ടിയിലാണ് ദാരുണമായ സംഭവം നടന്നത്. ജോലി കഴിഞ്ഞ് താമസസ്ഥലത്തേക്ക് റോഡിലൂടെ നടന്നുപോകുകയായിരുന്ന മധ്യപ്രദേശ് സ്വദേശിയായ അതിഥി തൊഴിലാളിയാണ് കാട്ടാനയുടെ ആക്രമണത്തില് കൊല്ലപ്പെട്ടത്.
ജോലിക്ക് ശേഷം മടങ്ങവേ അപ്രതീക്ഷിതമായി എത്തിയ കാട്ടാന ഇയാളെ ആക്രമിക്കുകയായിരുന്നു. സംഭവസ്ഥലത്തുവെച്ചുതന്നെ ഇയാള് മരണപ്പെട്ടതായി ദൃക്സാക്ഷികള് വ്യക്തമാക്കി. സംഭവത്തെ തുടർന്ന് പ്രദേശവാസികള് വിവരമറിയിച്ചതിനെ തുടർന്ന് പോലീസും വനംവകുപ്പ് ഉദ്യോഗസ്ഥരും സ്ഥലത്തെത്തി തുടർനടപടികള് സ്വീകരിച്ചു വരുന്നു.
മലയോര മേഖലകളില് കാട്ടാന ശല്യം രൂക്ഷമായി തുടരുന്നതിനിടയിലാണ് വീണ്ടുമൊരു ജീവൻ കൂടി നഷ്ടമായിരിക്കുന്നത്. കൊല്ലപ്പെട്ട തൊഴിലാളിയുടെ മൃതദേഹം ഇൻക്വസ്റ്റ് നടപടികള്ക്കായി മാറ്റി. പോലീസും വനംവകുപ്പും സംഭവത്തില് കൂടുതല് അന്വേഷണം നടത്തിവരികയാണ്.
