കൊല്ലം : സംസ്ഥാനത്ത് വീണ്ടും ജീവനെടുത്ത് കാട്ടാന. കൊല്ലം പത്തനാപുരത്താണ് സംഭവം. കാട്ടാനയുടെ ആക്രമണത്തില്‍ 80കാരിയാണ് മരിച്ചത്.
ഇന്ന് രാവിലെ ഒമ്പത് മണിയോടെ ഉണ്ടായ കാട്ടാന ആക്രമണത്തിൽ കടശ്ശേരി സ്വദേശി രാജമ്മയാണ് മരിച്ചത്. തൊഴിലുറപ്പ് പോകുന്നതിനിടെയായിരുന്നു കാട്ടാനയുടെ ആക്രമണം. പിന്നാലെ ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കാനായില്ല.
വനത്തിലൂടെ കടന്നുപോകുന്ന പാതയിലായിരുന്നു സംഭവം. കാട്ടാനയെ കണ്ടതോടെ ഇവർ പല ഭാഗങ്ങളിലേക്കായി ചിതറിയോടി. എന്നാൽ രാജമ്മയ്ക്ക് ഓടി രക്ഷപെടാൻ സാധിച്ചില്ല.
രാജമ്മയുടെ മൃതദേഹം പുനലൂര്‍ താലൂക്ക് ആശുപത്രിയില്‍ സൂക്ഷിച്ചിരിക്കുകയാണ്. പ്രദേശത്ത് കാട്ടാന ശല്യം രൂക്ഷമാണെന്ന് നാട്ടുകാർ ആരോപിക്കുന്നുണ്ട്.
