കോഴിക്കോട്: വഖഫ് ബോർഡ് പുനഃസംഘടനയില്‍ എപി വിഭാഗത്തിന് പ്രാതിനിധ്യം ലഭിച്ചില്ലെന്ന പരാതി ചർച്ച ചെയ്ത് പരിഹരിക്കാൻ ശ്രമിക്കുമെന്ന് മുസ്ലീം ലീഗ് അഖിലേന്ത്യ സെക്രട്ടറിയും മന്ത്രിയുമായ പി കെ കുഞ്ഞാലിക്കുട്ടി.
എപി വിഭാഗത്തിന് വഖഫ് ബോർഡ് പുനഃസംഘടനയില്‍ പ്രാതിനിധ്യം ലഭിച്ചില്ലെന്ന പരാതി ശ്രദ്ധയില്‍പ്പെട്ടിട്ടുണ്ട്. അത് ന്യായമാണ്. ഇക്കാര്യം ചർച്ച നടത്തി പരിഹരിക്കണമെന്നതാണ് നിലപാടെന്നും പി കെ കുഞ്ഞാലിക്കുട്ടി പറഞ്ഞു.
തിങ്കളാഴ്ച സാദിഖലി ശിഹാബ് തങ്ങള്‍ വിളിച്ചുചേർത്ത മുസ്ലീം സമുദായ സംഘടനകളുടെ യോഗം പ്രത്യേക വിഷയമോ ഏതെങ്കിലും പ്രാദേശിക വിഷയങ്ങളോ ചർച്ച ചെയ്യാനല്ലെന്നും അദ്ദേഹം വ്യക്തമാക്കി.
വഖഫ് ബോർഡ് പുനഃസംഘടനയില്‍ എപി വിഭാഗത്തിന് പ്രാതിനിധ്യം ലഭിച്ചില്ലെന്ന പരാതി ശ്രദ്ധയില്‍പ്പെട്ടിട്ടുണ്ട്. അത് ചർച്ച നടത്തി പരിഹരിക്കണമെന്നതാണ് നിലപാട്.
വഖഫ് ബോർഡില്‍ കേന്ദ്രസർക്കാർ പരിഷ്കാരം കൊണ്ടുവന്നപ്പോള്‍ ഒരുപാട് പരിമിതികളുണ്ട്. അങ്ങനെ വന്നപ്പോള്‍ ഉണ്ടായ വിഷയങ്ങളാണിത്. ഹജ്ജ് കമ്മിറ്റി, മദ്രസ ക്ഷേമനിധി ബോർഡ് തുടങ്ങിയവയുടെ പുനഃസംഘടനയും വരാനുണ്ട്.
എല്ലാ സംഘടനകള്‍ക്കും എല്ലാത്തിലും പ്രാതിനിധ്യം കൊടുക്കാനാകില്ല. ബാക്കി ബോർഡുകള്‍ വരുമ്പോള്‍ എല്ലാവർക്കും പ്രാതിനിധ്യം കൊടുക്കാമെന്നാണ് കരുതിയത്. അല്ലാതെ കരുതിക്കൂട്ടി ഒഴിവാക്കിയതല്ല.
