കൊച്ചി: വിജിലന്സ് റെയ്ഡിന് പിന്നാലെ ജിഎസ്ടി ജോയിന്റ് കമ്മീഷണര് പ്രജിനി രാജനെ സസ്പെന്ഡ് ചെയ്ത് സര്വീസ് സംഘടനയായ കെജിഒയു.
പരിശോധനയില് അനധികൃത സ്വത്ത് കണ്ടെത്തിയതിനെ തുടര്ന്നാണ് നടപടി.
കേരള ഗസറ്റഡ് ഓഫീസേഴ്സ് യൂണിയനാണ് പ്രജിനിയെ പ്രാഥമിക അംഗത്വത്തില് നിന്ന് സസ്പെന്ഡ് ചെയ്തത്.
റെയ്ഡില് 14 ലക്ഷം രൂപയും 788 ഡോളറുമാണ് വിജിലന്സ് പിടികൂടിയത്.
വീട്ടിലെ മുറിയില് നിന്നും പണം മാറ്റാന് ശ്രമിച്ചെങ്കിലും വിജിലന്സ് സംഘം പിടികൂടുകയായിരുന്നു.
10 വര്ഷത്തിനിടെ ജോയിന്റ് കമ്മീഷണര് 63 ശതമാനം അധികവരുമാനം നേടിയെന്നാണ് വിജിലന്സിന്റെ കണ്ടെത്തല്.
കഴിഞ്ഞ 10 വര്ഷത്തിനിടെ 2.75 കോടിയുടെ അനധികൃത സമ്പാദ്യം നേടിയതായും കണ്ടെത്തിയിട്ടുണ്ട്.
പ്രജിനി രാജന്റെ എറണാകുളം പച്ചാളത്തെ വീട്ടിലും തേവരയിലുള്ള ഓഫീസിലുമാണ് പരിശോധന നടന്നത്.
മൂവാറ്റുപുഴ കോടതിയില് രണ്ട് ദിവസം മുമ്പ് സമര്പ്പിച്ച എഫ്ഐആറിന്റെ അടിസ്ഥാനത്തിലായിരുന്നു റെയ്ഡ്.
വിദേശയാത്രയ്ക്കായി മാറ്റിവെച്ചതാണ് യുഎസ് ഡോളറെന്നും സ്വന്തം ലോഡ്ജില് നിന്നുള്ള മാസവരുമാനമാണ് 14 ലക്ഷം രൂപയെന്നുമാണ് ഉദ്യോഗസ്ഥ നല്കിയ വിശദീകരണം.
