കണ്ണൂർ: കണ്ണൂരില് വീണ ജോർജിനെ കെഎസ്യു പ്രവർത്തകർ ആക്രമിച്ചെന്ന കേസിലെ തുടരന്വേഷണത്തില് വീണ ജോർജിന്റെ മൊഴി രേഖപ്പെടുത്താൻ എസ്ഐടി. ഗണ്മാന്റെ മൊഴിയും രേഖപ്പെടുത്തും. റെയില്വേ സ്റ്റേഷനിലെ സിസിടിവി ദൃശ്യങ്ങളും പരിശോധിക്കും. കെഎസ്യു പ്രവർത്തകർക്കെതിരെ ചുമത്തിയ വകുപ്പുകള് നിലനില്ക്കുമോയെന്നും എസ്ഐടി പരിശോധിക്കും. കെഎപി നാലാം ബറ്റാലിയൻ കമാൻഡന്റ് യു പ്രേമന്റെ നേതൃത്വത്തിലാണ് തുടരന്വേഷണം നടത്തുന്നത്.
പ്രതിഷേധക്കാരായ കെഎസ്യു പ്രവർത്തകർ ആയുധം ഉപയോഗിച്ച് റെയില്വേ സ്റ്റേഷനില് വെച്ച് വീണയെ ആക്രമിച്ചുവെന്നായിരുന്നു കെഎസ്യു പ്രവർത്തകർക്കെതിരായ കേസ്. കള്ളക്കേസിന് പിന്നിലെ ഗൂഢാലോചന അന്വേഷിക്കണമെന്ന ടി ഒ മോഹനൻ എംഎല്എയുടെയും കെഎസ്യു പ്രവര്ത്തകരുടെയും പരാതിയിലാണ് തുടരന്വേഷണം.
