കോട്ടയം: കുമരകം പഞ്ചായത്തിന്റെ പരിധിയിലുള്ള കായൽ തീരങ്ങളിൽ പഞ്ചായത്ത് പെർമിറ്റ് ഇല്ലാതെയും ഗവൺമെന്റ് മാനദണ്ഡങ്ങൾ പാലിക്കാതെയും അനധികൃതമായി കെട്ടിട നിർമ്മാണ പ്രവർത്തനങ്ങൾ നടക്കുന്നതിനെതിരെ കോൺഗ്രസ് മണ്ഡലം കമ്മറ്റി പഞ്ചായത്തിൽ പരാതി നൽകി.
കൂടാതെ റിസോർട്ടുകളുടെ മുറികൾ, കോൺഫറൻസ് ഹാൾ തുടങ്ങിയവയെല്ലാം അളന്നു തിട്ടപ്പെടുത്തി ടാക്സ്
പുനർനിർണയിക്കണമെന്നും വേമ്പനാട്ടുകായൽ തീരത്ത് ഇറിഗേഷൻ ഡിപ്പാർട്ട്മെന്റ് നിർമ്മിച്ച കൽക്കട്ട് കയ്യേറി മതിലുകൾ നിർമ്മിച്ചത് പരിശോധിച്ച് നടപടി സ്വീകരിക്കണമെന്നും പരാതിയിലുണ്ട്.
റിസോർട്ടുകളിൽ നിന്നും വേമ്പനാട്ട് കായലിലേക്ക് മലിനജലം ഒഴുക്കിവിടുന്നത് തടയണം എന്നും ആവശ്യപ്പെട്ടാണ് പരാതി നൽകിയിരിക്കുന്നത്
