പാലാ: നഗരസഭയില് അവിശ്വാസം പാസായതിന് പിന്നാലെ ഭരണം പിടിക്കാന് കൂട്ടുമുന്നണിയുണ്ടാക്കാന് നെട്ടോട്ടം. സ്വതന്ത്രമുന്നണിയുമായി സഹകരിക്കാന് താത്പര്യമില്ലാത്തതിനാല് ഭരണ നേതൃത്വം ഏറ്റെടുക്കാനില്ലന്നാണ് കേരളാ കോണ്ഗ്രസ് (എം) പറയുന്നത്.
എന്നാല് കോണ്ഗ്രസില് നിന്ന് പുറത്തായ 5 കൗണ്സിലര്മാര് ചേര്ന്ന് തീരുമാനിക്കുന്ന സ്ഥാനാര്ഥിയെ ചെയര്പേഴ്സണ് സ്ഥാനത്ത് പിന്തുണയ്ക്കാനാണ് കേരളാ കോണ്ഗ്രസ്(എം) നീക്കം.കോണ്ഗ്രസ് വിമത നിലവിലെ വൈസ് ചെയര്പേഴ്സണ് മായാ രാഹുല്,കോണ്ഗ്രസില് നിന്ന് അവിശ്വാസത്തെ അനുകൂലിച്ച് വോട്ട് ചെയ്തതിന് പുറത്താക്കിയ ലിസിക്കുട്ടി മാത്യു എന്നിവരാണ് ചെയര്പേഴ്സണ് സ്ഥാനത്തേക്ക് പരിഗണിക്കുന്നവര്.
ചെയര്പേഴ്സണ് സ്ഥാനത്തേക്കുള്ള തെരഞ്ഞെടുപ്പ് 20 ദിവസത്തിനുള്ളില് നടക്കാനിരിക്കെ ഇടത് മുന്നണിയിലെ 12 അംഗങ്ങളും അവിശ്വാസത്തെ അനുകൂലിച്ച് വോട്ട് ചെയ്ത 5 അംഗങ്ങളുമല്പ്പടെയുള്ള 17 അംഗ കൂട്ടായ്മയില് ചെയര്പേഴ്സണെ തെരഞ്ഞെടുക്കാനുള്ള ചര്ച്ചയാണ് സജീവമാവുന്നത്. പ്രതിപക്ഷമായ ഇടത് മുന്നണിയുടെ കൂടി അഭിപ്രായം കണക്കിലെടുത്താണ് ചെയര്പേഴ്സണ് സ്ഥാനാര്ഥിയെ നിശ്ചയിക്കുക.
ഈ സ്ഥാനത്തേക്ക് നിലവിലെ ആക്ടിങ് ചെയര്പേഴ്സണ് മായാ രാഹുലിന്റെ പേരാണ് അദ്യമുയര്ന്നിരിക്കുന്നത്.പ്രതിപക്ഷമായ ഇടത് മുന്നണിയുടേയും കോണ്ഗ്രസില് നിന്ന് പുറത്തായ 4 കൗണ്സിലര്മാരുടേയും പിന്തുണ മായാ രാഹുലിനാണന്നറിയുന്നു.
ആദ്യത്തെ രണ്ടര വര്ഷം മായാ രാഹുലിനും തുടര്ന്നുള്ള രണ്ട്് വര്ഷം കോണ്ഗ്രസില് നിന്ന് പുറത്തായ അംഗം ലിസിക്കുട്ടി മാത്യുവിനും കൊടുക്കണമെന്ന അഭിപ്രായം പറഞ്ഞവരുമുണ്ട്.എന്നാല് തുടര്ന്നുള്ള വര്ഷങ്ങള് മുഴുവന് സ്ഥിരമായ ഒരു ചെയര്പേഴ്സണ് ഇരിക്കട്ടെയെന്നാണ് ഇടത് മുന്നണിയുടെ അഭിപ്രായം.ഭരണ തലത്തിലേക്ക് തങ്ങള് വരുന്നതേയില്ലന്ന് അവര് ആവര്ത്തിച്ച് പ്രഖ്യാപിക്കുകയും ചെയ്തിട്ടുണ്ട്. സുസ്ഥിരമായൊരും ഭരണം വേണമെന്ന ഡിമാന്റ് മാത്രമേ കേരളാ കോണ്ഗ്രസ്(എം) മുന്നോട്ടു വയ്ക്കുന്നുള്ളൂ.
പാര്ട്ടി നടപടി
ശിരസാ വഹിക്കും:
ടോണി തൈപ്പറമ്പില്
പാലാ: വിശ്വാസ പ്രമേയത്തെ അനുകൂലിച്ച് തനിക്കും മൂന്ന് സഹകൗണ്സിലര്മാര്ക്കുമെതിരെ കോണ്ഗ്രസ് നേതൃത്വം സ്വീകരിച്ച് അച്ചടക്ക നടപടി ശിരസാ വഹിക്കുമെന്ന് നഗരസഭാ കോണ്ഗ്രസ് പാര്ലമന്ററി പാര്ട്ടി ലീഡറായിരുന്ന ടോണി തൈപ്പറമ്പില് പറഞ്ഞു. പാലായിലെ കോണ്ഗ്രസ് പ്രവര്ത്തകരുടെ ആത്മാഭിമാനം ഉയര്ത്തിപ്പിടിക്കുന്നതിനാണ് തങ്ങള് ശ്രമിച്ചത്. ഇത് പാര്ട്ടി നേതൃത്വവും മനസിലാക്കുമെന്നാണ് പ്രതിക്ഷ. തന്നെയും ഒപ്പമുള്ള കോണ്ഗ്രസ് കൗണ്സിലര്മാരേയും ശാസിക്കാനും ശിക്ഷിക്കാനുമുള്ള അധികാരം പാര്ട്ടി നേതൃത്വത്തിനുണ്ടെന്നും ടോണി പറഞ്ഞുf
