കോട്ടയം: കേരളത്തില് മഴ വീണ്ടും ശക്തിപ്പെട്ടതിന് പിന്നില് പസഫിക് സമുദ്രത്തിലെ ഡോള്ഫിൻ ചുഴലിക്കാറ്റിക്കാറ്റിൻ്റെ സ്വാധീനം.
ഇന്നലെ ഉച്ചയോടെ മഴ വിവിധ ജില്ലകളില് സജീവമായിരുന്നു.
കോട്ടയം ഉള്പ്പടെ വിവിധ ജില്ലകളില് ഇന്നു രാവിലെയും മഴ തുടരുകയാണ്.
പസഫിക് സമുദ്രത്തിലെ ഡോള്ഫിൻ ചുഴലിക്കാറ്റിലേക്ക് കേരളത്തിലെ മുകളിലൂടെ അറബിക്കടലില് നിന്ന് ഈർപ്പമുള്ള കാലവർഷക്കാറ്റ് ശക്തമായി കടന്നുപോകുന്നതോടെ കൂടുതല് പ്രദേശങ്ങളില് മഴ ശക്തിപ്പെടാൻ സാധ്യതയുണ്ട്.
ഡോള്ഫിൻ ചുഴലിക്കാറ്റ് ഞായറാഴ്ച്ച രാത്രിയോടുകൂടെ ചൈനയില് കരകയറും.
ചൈനയില് കയറുന്നതിന് മുന്നോടിയായി ഏതാനും മണിക്കൂറുകള് ദക്ഷിണ ചൈന കടലില് ചുഴലിക്കാറ്റ് നിലയുറപ്പിക്കാനും സാധ്യതയുണ്ട്.
കാറ്റ് സജീവമാകുന്ന കേരളം ഉള്പ്പെടെയുള്ള പ്രദേശങ്ങളിലും മഴ ലഭിക്കാനുള്ള സാധ്യതയാണ് കാണുന്നതെന്നു സ്വകാര്യ കാലാവസ്ഥാ നിരീക്ഷർ പ്രവചിക്കുന്നു.
കേരളത്തില് ഡോള്ഫിൻ ചുഴലിക്കാറ്റിൻ്റെ സ്വാധീനം ശനിയാഴ്ച രാവിലെ വരെയാണ് പ്രതീക്ഷിക്കുന്നത്. ശനിയാഴ്ച പകല് കേരളത്തില് മഴ കുറയാൻ സാധ്യത.
നിലവില് ചുഴലിക്കാറ്റ് മൂലം എറണാകുളം ഇടുക്കി കോട്ടയം പത്തനംതിട്ട ജില്ലകളിലാണ് കൂടുതല് മഴ പ്രതീക്ഷിക്കുന്നത്.
ഇതോടൊപ്പം വടക്കൻ കേരളത്തിലും മഴ ശക്തിപ്പെടാൻ സാധ്യതയുണ്ടെന്നും
സ്വകാര്യ കാലാവസ്ഥാ നിരീക്ഷർ പ്രവചിക്കുന്നു.
